تصعلق

بسبب الحاج بضينوس

2007-10-04T22:53:00.000+02:00

بأمر من الملل

ولمجرد التغير

وكعاده من عاداتى عدم الإستقرار

وتكلملة لمشوار التصعلق الدائم

فقلت أروح مكان تانى

وأهه تغيير

إعلان
سألت بضينوس إله البضان الأعظم إنتا ليه بتبضن على الناس يا عم
قالى اعمل إيه ببقى مبضون
هع هع هع خخخخ
إتبرع ولو بقرش حشيش

تعالوا زورونا

دائماً هم هناك

2007-10-04T09:21:00.000+02:00

دائماً هم هناك يبهرهم شئ ترى عيونهم ضوء ، دائماً هم على جنبات الطريق يلقون أنظارهم على السائرين من يقطعون الطريق ، يلقون نظراتهم يلقون التحيه يسبون يمدحون يعلقون يحسدون راكبى الطريق ولا يعلمون أن الراكبين يحسدونهم لأنهم لم يركبوا الحيره والشك يحسدون عقول مراتحه خامله تتمتع بصمتها وليس تحت عيون أصحابها سواد الأرق ، دائماً هم هناك يعتقدون أن مرتادى الطريق لديهم ثمرة الحكمة وراكبى الطريق لديهم قاعدة وهى انه لا قاعده لا حكمه كى تملك ، دائماً هم هناك يطلبون المزيد يطلبون الراحه من من تعبوا من طريق يعلمون أنه لا نهاية له ، دائماً هم هناك يلتقونهم فى دقائق إرتشاف قهوة الطريق يلقون لهم تساؤلاتهم ولا يدركون أنهم لا يملكون إلا أسئلة لا تنتهى وما ينبغى لها أن تنتهى .

مش عارف ليه طالبه معايا أغنى وأرقص مع عمر الجيزاوى
مالك جاعد ليه بتفكر شايل فكر كتير ومكتر دنيا حلوه وزى السكر قوم وإشرب
لجيت حاجه مليحه تبرجل حلو وزين وشاغل بالى
لما شوفته بجيت مبسوط
واه يا حبيبى
أنا مشتكر

شكراً عمال المحلة

2007-09-30T00:57:00.000+02:00

شكراً عمال المحله
وعلى رئى مش عارف مين
عملوها الوحوش يا ريتنى كنت معاهم

يا ريتنى كنت عامل

عاش كفاح عمال المحلة

عاش كفاح الطبقة العاملة

استغاثة من عمال غزل المحلة وإقتحام الشرطه للمصنع أمر بات وشيكاً

2007-09-26T23:48:00.000+02:00

استغاثة من عمال غزل المحلة
في هذه الظروف الصعبة التي يعيشها عمال غزل المحلة، يناشد عمال غزل المحلة المعتصمين كافة النشطاء و المراكز الحقوقية و الأحزاب السياسية سرعة التدخل لتقديم الدعم لهم في مقابل مخطط اقتحام الشركة الذي بات وشيكا، حيث تم حصار مداخل مدينة المحلة بشكل كامل بنصب العديد من الأكمنة على الطرقات، و تفتيش جميع الداخلين إلى المدينة، كما حاصرت قوات الأمن المركزي و قوات مكافحة الشغب شركة غزل المحلة من جميع الاتجاهات و تم إغلاق شارع الإنتاج الذي يمر بجوار سور الشركة، و تحويل مسار السيارات إلى طريق آخر.
هذا و قد بدأ جنود الأمن المركزي و قوات مكافحة الشغب بالترجل من سياراتهم و أخذ وضع الاستعداد سواء في شارع البحر و هو الشارع الرئيسي في المحلة أو حول الشركة، كما تم إبعاد الإعلاميين من حول الشركة لمسافات بعيدة و التهديد باعتقالهم، و كانت قوات المرافق قد قامت يوم أمس بطرد الباعة الجائلين من أمام بوابات الشركة و أسوارها و إخلاء المنطقة من الباعة الجائلين، تمهيدا للاقتحام المتوقع، الملفت للنظر أن قوات مكافحة الشغب التي تحاصر حاليا مداخل المحلة الكبرى مدعومة بسيارات إسعاف و مطافئ، كما تأكد لنا من مصادر وثيقة أنه يتم إخلاء أقسام في المستشفى العام بالمحلة، و هو ما ينذر بأن الاقتحام الأمني المتوقع سيكون صداميا.
و رغم هذه التحركات الأمنية إلا أن أعداد العمال داخل الشركة قد تزايد بشكل ملحوظ بعد الإفطار حيث اتصل العمال بزملائهم و الذين لم يتأخروا في الذهاب إلى الشركة للوقوف بجانب زملائهم، و مازال قرع الطبول و الهتافات مستمرة داخل الشركة متحديا كافة أشكال الإرهاب التي يمارسها الأمن.
و لهذا يناشد عمال غزل المحلة الجميع بالتدخل الفوري لمنع هذا الاقتحام و الذي قد يكون كارثيا.
برجاء نشرها على أوسع نطاق و في أسرع وقت
عمال غزل المحلة المعتصمون داخل شركة مصر
تابع هنا وهنا وهنا وهنا

يا محله يا بذرة ثوره

2007-09-25T21:29:00.000+02:00

صرخة عمال المحله هى صرخة نيابة عن المصريين بمجملهم
إنهم يصنعون تاريخ جديد
إنهم يتعلمون النضال فى مكانه الطبيعى
ويصدرونه للكل
فلترتعبوا فلتخافوا يا لصوص الإنسان
ولتصمدوا يا عمال
إنهم يخشونكم
يموتون رعباً من عفويتكم وبساطتكم

يا محله يا بذرة ثوره هزى عروش الخونه
تابع نضالهم
عاش كفاح الطبقه العامله

عن حلمه وأحلامنا

2007-09-21T04:53:00.000+02:00

الحكام : طغاة ، قساة ، بغاة ، جهلة ، إنتهازيون ، منافقون ، وقلوبهم حجر جلمود وصخور الصوان

و الشعوب : لمامة ، قمامة ، صراصير ، حشرات ، إمعات ، مذلون ، مهانون ، مكرمون

والأوطان : حبيبة ، مفداة ، مبتغاة ، أبية ، موفورة الكرامة ، عزيزة الجانب دونها حبل الوريد وحبل الغسيل

وفى الغزل

شعرك : أسود كالليل ، كالفحم أو أشقر كالسنابل أو أحمر كشقائق النعمان

والفم : شهى كالتين ، كالعنب أو كالتوت الشامى ، كفلقة الرمان ، كالخردل ، كالسموءل

والخد : ناعم كالتفاح ، كالعنب ، كالحرير ، كالطيلسان

والعطر : فواح كالفل والزعتر والمسك والعنبر والورد والياسمين والريحان

والصوت : حنون كالناى ، كالقصب البرى ، كأجراس الفصح والميلاد ورام الله وغزة وأريحا وبيت لحم والضفة الغربية والشرقية والمقاومة وفلسطين وعاصمتها القدس الشريف

وأنت بمجملك : حمامة ، عمامة ، غمامة ، أو علامة على مفرق بيتها أو بيته بأربعة أشبار أو خمسة أمتار

كلمات .. كلمات

أكل عليها الدهر وشرب وبال وتغوط

أريد فكرة مسرحية

مقالة

قصة

حواراً

مقابلة

لم تطرق بعد

أريد صورة شعرية جديدة

ولو محجبة على طريقة طالبان

كهولة مستنقع
من كتاب البدوى الأحمر
كلام محمد الماغوط

حى ى ى ى ى ى ى ى ى ى

2007-09-16T04:25:00.000+02:00

وجدتنى أرددها بنغم ما كأنغام صوفى أو متشرد يطوف حول مقام وليه

يقف أمام مقامه متعبداً يعلم كونه مدفنه بعد رحيله لكنه يوقن أنه هناك حى

يطلب منه الكثير و يصيع عليه ليس لها تعبير أخر

فهو ينزر له نزر والنزر مرتبط بأن تحقق أمانيه أولاً

لكن من أقصده رب أخر

رب حى ولا ينبغى له أن يموت أو يمرض

رب إختارته الكهنة منذ سنوات بعيده كى يكون رباً

وصمت عبيده عن الكلام فكان ذلك دليل ربوبيه

له كثير من الكهنه يقومون بواجبات العبادة يحاولون إبقاءه رباً

حراس المعبد منتشرون فى كل مكان

هم معك وأنت تقرأ كلامى هذا

إخطف عذب إقتل هين لا تلين

تلك وصاياه وصاه بها أباه

يا بنى كن أسواء مما أنت عليه

ما أدراك أباه

أن لا أسواء منك إلاه

لا يدرى الأب أو الإبن أن عبيد الأرض عبيد

وأن العبد أسواء من مولاه

عن روجرز وكاتبها

2007-09-13T23:52:00.000+02:00

أحمد ناجى يفتح قلبه للقراء

فى حوار شيق ودسم متعلق بروجرز

كنت سأكتب إنطباعاتى عن الروايه

وعن المشروع الأدبى للكاتب

لكن ليس هناك ما يقال بعد ما قد قيل

حاوره o7od

الصوره للفنان x-ist

لك أيها الوجود

2007-09-03T16:43:00.000+03:00

أربعة أيام بعيداً عن حياتى العاديه بعيداً عن كل ما يقرفنى ويزعجنى وسط الأصدقاء على شاطئ المتوسط حيث رأس البر الجو جميل الهواء نظيف الوجوه الجميله والأجسام الأجمل حرة فى ملابس طبيعيه بعيداً عن العقد زجاجات البيره المشى على شاطئ البحر السعى إلى اللسان المسحور والجلوس عند نهاية المطاف كل ذلك أيضاً لم يحسن من حالتى المزاجيه السيئه لم يغير فيه شئ حالة غبيه ليس لى فيها أى يد وليس حتى لمن شارك فى صنعها أى ذنب...... لست أدرى لماذا صرت متسامحاً لهذه الدرجه بت أختلق الأعزار للجميع فكل له دوافعه حتى ولو فى إيذائى لست أدرى ما هذا البرود الذى صرت أتقبل به الوجود فكل شئ طبيعى وكل فعل طبيعى وكل سئ طبيعى وكل جيد طبيعى حتى قتلى صار بالنسبه لى أمر طبيعى لو حدث فالكل له دوافعه والكل له رغباته والكل له متعته والكل له عزره الكل يريد أن يحيا ويجب له أن يحيا كما يريد حتى ولو كان الأخر كله يجب أن يموت فى مقابل حياته هو......... برود غريب حل على عقلى وقلبى أسامح الكل ولكن أيضاً لا أسامح أحد لست أدرى قد أكون أقول للجميع طظ ولنفسى أيضاً طظ كبيره

مساء الحريه يا رفيق

2007-08-30T17:42:00.000+03:00

رفيقى العزيز محمد عبد اللطيف أو زى ما بحب أناديه محمد طاهر وده برضه الإسم إللى إختاره كصحفى فى البديل خرج بالسلامه صحيح بكفاله خمسمية جنيه حار ونار فى جتة الحكومه بس المهم إنه خرج وزى عادته بينكت ويهزر ولسه قايلى نكته جامده بيقولك بيفتحوا كتاب الحسنات والسيئات بتاع حسنى لقوا نسبة الحسنات 99.9
المهم محمد أجمل حاجه إنه مع كل حسبه بيبقى أقوى من الأول وشكله إتعود بقى حبسنجى خلاص والصوره إللى فوق دى لأحد مغامرات محمد وهوا بيتشعبط فى القطر فراراً ههههههههههههه هوا أكيد فاكر الصوره دى كويس

تكثيف شعبى عميق

2007-08-29T14:02:00.000+03:00

بيقولك إيه
العلوئيه مسئوليه والشرمطه مرمطه

متى يعود محمد

2007-08-27T14:47:00.000+03:00

نشر عند علاء سيف

أمانة يا جماعة برجاء النشر علشان نوصل قصة محمد عبد اللطيف للناس كلها

متى يعود محمد

فاكرين حبسة القضاة و فاكرين أصغر محبوس معانا الشاب الصغير الأسمر الملامح عودة كالخيرزان طويل و نحيل , ملامحة مصرية محمصة بلفحة شمس حوارى المنصورة كان ينادية الشاويش فى تمام الحبس محمد عبد اللطيف درويش و كنا نطلق علية حمادة عبد اللطيف و لكنة حين عمل بالصحافة مراسلا للبديل اختار اسم محمد طاهر ليزين بة كتاباتة المنتمية للفقراء و المضطهدين فى أقسام الشرطة

و فى يوم لم يكن يبدوا فى افقه انه مرتب كان يغطى موضوع ردود أفعال الناس عما نشر فى الوقائع تجاوزات الشرطة و التعذيب فى أقسام الشرطة المصرية بتلبانة و شها قبضوا علية فى الشارع و فى قسم شرطة المنصورة فقط عرف أنة متهم بتوزيع المنشورات : رفض التوقيع على المحضر رقم 12033 أول المنصورة

و فى اليوم التالى تم عرضة على النيابة عذابا صباحا و نكدا مساءا الغريب أن وكيل النيابة طلب عما يثبت أنة صحفى و سأل عن تواجد أى إثبات شخصية لمحمد و كان هذا مؤشرا على الإنفراج و بدانا نتقبل التهانى و هبط محمد و هو طائر فرحا على سلالم النيابة و كأنها سلالم نقابة الصحفيين التى عرفت أقدامة النحيفة

و بعد تحرك موكب الحبس من أمام باب النيابة و بعد عدة خطوات تحركت الموبيلات و نشطت اللاسلكيات لتعيد محمد ثانية إلى وكيل النيابة كنت أنتظر القرار واقفا فى مواجهة مبنى النيابة الشاهق على رصيف كرنيش النيل محدقا فى مياة النيل , أحسست للحظة أن مياة النيل توقفت عن السريان و فجأة أنقطع المور خولنا حين هبط محمد على سلالم النيابة و لكن هذه المرة كانت أقدامة بطيئة متثاقلة لا تقوى على حمل 15 يوم استمرار حبس

بقلب حزين ودعت محمد و عدت أحدق بالنيل ثانية سرحت و أنا أسئل نفسى متى تسرى مياة النيل ثانية , و متى يعود النور , متى يعود محمد .

التوقيع

حمدى قناوى

ألهة الفن شكراً

2007-08-20T00:55:00.000+03:00

تراكين مزيكا إداهملى صديق مش عارف لمين بس تأثيرهم فظيع

بلياتشو

2007-08-19T03:31:00.000+03:00

قرب جرب قرب

نزهة الأسبوع الماضى

2007-07-21T23:44:00.001+03:00

أصدقاء عربيه زجاجه أوك

قال لى أصدقائى فى اليوم التالى أننى كنت على غير عادتى سعيد أغنى مع الأغانى منطلق طرب منتشى أجلس فى الكرسى الأمامى أبدل السيديهات أحرك رأسى فى حركات راقصة طلبت من صديقنا مالك السياره أن يتوقف ووقفت ألقى بمائى على النيل وركبت أغنى ثانية وأنه حينما أوقفنا أحد الأكمنه على الطريق طالباً بطاقات الهويه عاملتهم بقرف وغضب وأننى صرخت فى وجه الشرطى بعبارة غاضبة – فيه حاجه – وأننى كررتها عدة مرات – فيه مشكله – كررتها أيضاً - طيب خلاص وأعطانا الهويات وواصلنا الطريق .. ولكنى أذكر أنى كنت أتسائل بشكل عادى لكن للأصدقاء رأى أخر ...

وأنه لما وصلنا إلى صديقنا على شاطئ المتوسط نزلت من السياره عابراً بين كراسى الجالسين بالكافتريا خاصته وأننى دلفت إلى الداخل حيث إستراحته الخاصه وإرتميت على كرسى ولما جاء صديقنا الذى إستيقظ من النوم سعيد بقدومنا أننى أقسمت بكل الألهة أنه إن لم يشرب من هذه الزجاجه فلن يدخل جنتنا وأننى كنت سعيداً أعامل من أحب جيداً ومن لا أحب بصورة قزره وأننى ألقيت حكماً غريبه وكثيره وأثيره وأن كل كلمة منهم يعقبها منى تعليق مصحوب بحكمة يذكرون منها أننا لم نكن نشعر هذا الشعور قبلاً ولم نصل لهذا التأثير من قبل لأننا لم نكن نرغب .. لا أرى فيها حكمة ما .. لكن الأصدقاء لهم رأى أخر..

يقولون أنى سخرت من كل شئ من كل مسلمة من كل ثابت حتى الألهة لم تسلم من لسانى حتى أنا نفسى لم أسلم من طولة لسانى تندرت على نفسى

كلمة يقولها لى الأصدقاء دائماً لها مدة طويلة لها سنوات وسنوات دائماً يرددوها يا إبنى إنتا أحسن وقت بنعرف نتعامل معاك فيه وإنتا شارب بتبقى طيب قوى وسعيد وبتبقى عايز تسعد كل إللى حواليك وبيبقى بالك طويل ومش عصبى وأنا برد عليهم برضه وأنا بشرب علشان أعرف أتقبل الوجود وأتعامل معاه ..

بس يعنى يا رجاله اليوم كان عادى أنا بس كنت أكتر سعاده صحيح مكنتش معاكم قوى يعنى كنت فى عالمى الشخصى عالمى الخاص بى أنا وحدى بس كنت بشارككم فيه ..

أه صحيح إنتا كنت معانا ومش معانا بس يا ظالم تشرب نص لتر فودكا وسك .. عادى بقا علشان أفوق لكم وعلشان كمان أرتكب حماقه لم أفعلها من مدة طويل إشتريت جرنال وقريته تانى يوم .

عيون حبيبى

2007-07-11T15:17:00.000+03:00

بيقولوا عليا سخص رومانسى التفكير حتى فى إشتراكيتى فالرفاق التروتسكيين مثلاً يقولون أنى طوبوى
مع إنى مبزقلش بالطوب ......... أنا بأعض بس
ودى أغنيتى المفضله لما أفتكر الوطن فى إطار العلاقه الرومانسيه التى تربطنى به
عيون حبيبى

تصويره وغنيوه

2007-07-09T11:26:00.000+03:00

غنيوه

مع نفسى

2007-07-06T09:52:00.000+03:00

وجودى لغتى جزيرتى المنعزله جزر الأخرين تواريخ حكايات بدايات نهايات أدخن سجائرى أفكر فى المحاوله وما المانع وما الثابت

فى البدئ كانت الصرخه اللعنه على كل دوجما

هرتلة شط النيل

2007-06-29T09:18:00.000+03:00

أغمزله .....يغمزلى

أنتشله ......ميجيش

بيغظنى.... بيغظنى

هوا إيييييييييييييييه

السمك السمك السمك

بلا عنوان وبلا داعى

2007-06-25T08:17:00.000+03:00

حينما يخون صديق أو يتمرد على الصداقه فإن ما ينتابنى هو شعور واحد أساسى

وهو أن هذا الذى كان صديقاً أصبح وعيه يعى أنه لاوجود لأى كذبة تسمى صداقه

وأن وعيه أصبح أكثر من وعيى لأنى للأسف لازلت لا أحمل هذا المعنى الذى وصل إليه

من وحى ذات اللون البنى

2007-06-19T10:26:00.001+03:00

كلنا زيزيف نحمل عقولنا
نحاول الإرتفاع بها لأعلى
كلنا أوديسيوس تائهون فى بحور غريبه
نحاول الخروج منها لبحورنا التى مائنا منها
كلنا أبناء لوطن ولد ميتاً
نعيش داخل أنفسنا حتى نجد لنا وطن
فهل تنجح يا زيزيفنا
وهل تصل يا أوديسيوسنا
وهل سنجدك يا وطننا
أشك
ولكن فلنستمر فى المحاولة
صحيح هى عقاب الألهة لنا
نصعد ونقترب ونسقط
وتسقط الصخرة على رؤسنا
فنغفوا مغشياً علينا
صرعى ل الاجدوى
ونضيع فى العدم
ولكن تفيقنا الخمر وأنفاس الحشيش
لكى يلتقط كل منا صخرته
صاعداً جبلاً من العبث
محاطاً بأكداس العدم
صاعداً صاعداً
نشيد واحد
مصير واحد
كلنا سارق نار الألهة

عن فراشاتى التى لم أمسك بها

2007-06-06T07:45:00.000+03:00

كلما إفترضت الإقتراب زادت قناعتى بأنى أغرق فى الإبتعاد
وأنا صغير كانوا ينتقدون فى أننى أجمع أشياء لا معنى لها من الشارع
كانت أشياء أرى فيها بعين الطفل أنها تهمنى وتعجبنى وتمتعنى
ولما كبرت قليلاً صرت أجمع كتباً لديهم أيضاً بلا معنى وأنتقد
وكنت صغيراً أجرى وراء الفراشات وأنتشى بصيد دبابير وحشرات أخرى
وأجمعها أو أخبئها فى علب الدواء الفارغة وأتابعها وتموت وأتى بغيرها
وأهرب من البيت لأفسد حقول الأخرين بحثاً عن دود لصيد السمك
وبعد أن تجرح يدى وتتلوث ملابسى أجلس أمام ترع مختلفه متعدده
أحاول إصدياد أسماك مختلفه وكانت دائماً غلتى قليله لكن تمتعنى
وكثيراً ماكنت أرميها إللى الترع مرة أخرى لكن ميته
وقليلاً ما كنت أتحمل العقاب من أجل الإستمتاع برؤية الأخرين لها
وإستمتاعى بتناولها إنها نتيجة بحثى عن دود ما وبحثى عن سمك ما
وكلما كبرنا إختلف فراشنا الذى نجرى خلفه ودبابيرنا التى نصطادها
وحشراتنا التى نجمعها ودودنا الذى يرهقنا فى سبيل إصدياد أسماك إختلفت هى الأخرى
لكن لازلت وسأظل كما كنت طفلاً ألتقط أشياء لا معنى لها لدى الأخرين
لعله يأتى اليوم الذى يرى فيها الأخرين نفس المعنى
لكن أجمل ما فى الأمر ان تجد من هو مثلك فى طفولتك
فى إلتقاطه لأشياء تشبه أشياءك وحرثه لحقول متشابهه
وجلوسه متلهفاً أما ترع وبحور متشابهه يحاول مثلك
وأجمل وأمتع ما فى الأمر أننا لازلنا نلتقط ونحرث
ولم نجد ما يجعلنا نتوقف

إلى عساكر المرور الخاصين

2007-06-02T00:51:00.000+03:00

إرضاءاً وإغضاباً للأعدقاء وإرضاءاً وإغضاباً لغرورى والأنا والأنا الأعلى والهو بالمره والوعى والاوعى يا إنتوا أنا ولا حاجه أنا مش مناضل ولا مثقف ولا أى حاجه أنا صفر كبير وعلشان الناس البضان إللى هتتظارف وتقول كويس إنك عارف نفسك فأنا بقلهم من دلوقتى كل واحد يخليه فى نفسه ويشغل نفسه بتقيم نفسه مالكم ومال الناس.
كلنا عساكر مرور وحكام ملعب ماسكين الدفتر وهات يا تسجيل مخالفات وشغالين نرفع الكارت الأصفر لبعض وناقص نسحب الرخص أو حد يطرد حد من الملعب لاء بقا نقطة نظام نعرف قواعد اللعبه قبل ما نلعب ومفيش حد واخدها ردم وفحت ومش المفروض إن إحنا ننزل تحت
وقياساً على كلمة الراجل العسل فى فيلم عريس من جهة أمنية -من حق كل مواطن إنه يبص - فالمفروض إن كل مواطن إنه يبص على نفسه ولو عنيه جابته على غيره فيبص ويخليه فى حاله وللناس إللى مبيخلهمش فى حالهم يالله بقا علشان هنرش قدام المحل

من ورقى القديم- ميلاد

2007-05-30T06:33:00.000+03:00

كنت بقلب فى ورقى القديم أو على الأصح كرتونة الذكريات ولقيت حاجات كنت ناسيها خاااااالص أرشيف صور من الجرايد والمجلات وصور خاصه وورق كنت كاتبه من زمان حاجات دلوقتى غريبه شويه وأغرب حاجه لقيت تعليق كنت كاتبه أنا برضه بس مفيش جنبه تاريخ كتبته على الورق هراء لكنه بعضاً من أيامى وأوهامى وأحلامى بعضاً منها للذكرى وإحتفاظى به لعله إحتفاظ لتاريخ أو صنعاً له وأشياء أخرى لا أعلمها من نفسى (ح.ش ) مش عارف ليه قعدت أقرأ الورق قرأته كله مشروع روايه بقول عنها دلوقتى عبيطه خواطر ومقالات أو إنطباعات وأشعار ياااااااااااااااااااااااااااه فيه حاجات منها مكتوبه سنة سته وتسعين يعنى فات عليه حوالى حداشر سنه ما علينا الأيام فعلاً بتسرقنا المهم نقيت منها حاجه تعتبر أقل فضيحة من الباقى لأنى بصراحه ببصلها على إنها عبطاتى وليست إنطباعاتى أسيبكم معاها زى ما كتبتها فى وقتها بالظبط بدون تغيير ولا تصحيح لأى حاجه
بس حاجه مهمه الأول الصوره ملطوشه من على جوجل

ميلاد

لقطة – 1 –

أعرف يوم ميلادى كما يعرفه كل فرد منا يوم ميلاده ولكنى بالطبع لا أذكر شئ عن هذا اليوم لأسباب الجميع يعرفها : ولكنى أذكر يوماً أعتبره يوم ميلادى ميلاد ذاكرتى وذاكرة الإنسان هى حياته. أذكر من هذا اليوم لقطة ومضة شرارة نور أضائت لأجدنى محاطاً بأناس بأناس أه نعم إننى أعرفهم فضلاً عن الأم فهذه جدتى وهذا خالى وخالاتى إننى أستفيق من أثر مخدر .. لا لا تظن سيئاً فقد كنت صغيراً للحد الذى لا يجعلنى أتعاطى أى مخدر . ولكن قبل أن تسأل أى مخدر هذا ومن أين جائك وأثر فى وعيك ؟ أجيبك إننى عرفت أننى أجريت عملية لعلها أول عملية لى بل كذلك لقد إستئصلوا لى اللوز واللحميه دفعة واحدة وإرتحت من أثارهما المستقبلية ومتاعبهما .. وأنا فى هذه السن الصغيرة أصبح عندى يقين يقول بأن هذه المسماه اللوز شئ ذائد على الجسم وأنه لابد سيأتى يوم ويزهق الإنسان منها أو انها ستتعبه وسيجرى عملية ويستأصلها وتأكد هذا اليقين حينما أجرى لأختى الكبرى عملية إستأصلت فيها اللوزتين .. ولكن دعك من هذا الحديث البشع عن عمليات أو مجازر القضاء أو القتل للخلايا البشرية ولكنها على كل حال خلايا ضالة فسدت وأضرت ووجب حربها وإستئصالها . الأن دعنى أصف لك موقف الميلاد أتدرى .. دعنى أبسطه لك إنه بالضبط قريب مما تراه فى الأفلام السينمائية يجعلنى أوقن بعظمة المخرجين أنظر أنا نائم على سرير فى بيت جدتى فى مدينة المنصوره أشعر بأننى غارق ولكنى أفتح عينى وأفتح وأعمل حواسى لأجدنى غارق فى محيط من الوسادات والبشر وأنا فى وسط السرير – رأيت هذا السرير بعد ذلك كثيراً ولعلنى نمت عليه كثيراً طفلاً وشاباً وفى مرحلة الشباب كانت رأسى تكون فى مقدمة السرير وقدمى تتخبط فى مؤخرته ولا أستطيع النوم براحة إلا إذا ثنيت قدمى بعض الشئ – لا تتعجب لكونى حين لحظة الميلاد كنت فى وسط السرير وأنا أعنى فى مركزه لا تتعجب فقد كنت صغيراً للغايه دقيق الجسم - هذا ما أذكره - إننى أفتح عينى كسكير أغلقت الخمر عينيه وتعانده أجفانه فيرى الناس من وراء شعيرات رموشه المتداخلة كأشجار الغابه أو كأعمى أجريت له جراحة دقيقة وأهله يحيطون به بعد رفع الدماضات يراهم فى حجرة ظلماء وينسى بعد ذلك من رأه ومن لم يره لحظتها لأنه مثلى رأى أجساداً بشريه بلا ملامح كمن يرى فى الظلام هو يرى إنساناً ولكن من هو لا ملامح لا دليل على هويه إلا أنه إنسان أو كمن ينظر إلى النجوم هو يراها ولكن بلا ملامح لها لا إختلاف بينها إلا فى الحجم ولكنه يدرى أنها جميعاً نجوم أو كالنحت التأثيرى والذى يصور أجساداً بلا ملامح فسيولوجيه الوجه بلا ملامح ولا ملامح للجسد ولكنه بالتأكيد يظهر كجسد إنسان يعبر فقط دون ملامح...

هذه لحظة ميلادى الحقيقة وإن صدقت ذاكرتى فى ترتيبها فهذه أول لقطة فى فيلم حياتى اللقطة الأولى التى صورتها بنفسى لنفسى وفيلمى التسجيلى هذا فى مجمله لقطات مفترقات لعلها لا علاقة لها ببعض منها اللقطات القصيره والتى أراها كصر فوتوغرافيه ومنها التى تستمر لثوان ومنها من تستمر دقائق ومنها ذو التفاصيل الدقيقة ومنها الداخلى ومنها الخارجى ولعلنى من ذلك النوع الذى كلما حدث لى موقف خارجى يوافقه شعور داخلى يمثل تعادلاً بين الظاهر والباطن أو بين الحدث المادى والتفكير أو بين الواقع والخيال الواقعى أو القريب من الواقع أو البعيد عنه كل البعد أو بمعنى أخر فأنا منذ البدئ أفكر فى كل كلمة وكل حركة وكل موقف أتساءل لماذا ؟ لماذا حدث ؟ لماذا منعت عن هذا الفعل ؟ لماذا يجعلوننى أفعل ما أفعل ؟ لماذا أضرب بلا سبب يسوغ الضرب ؟ لماذا لا ألعب كثيراً كما يلعب الأخرين ؟ لماذا هذا عنده وأنا لا ؟ لماذا لا يدعونى أنفق مصروفى كما يحلوا لى ؟ هو فى الواقع لم يكن يصلح لإبتياع أى شئ يملاء جزءاً من الفراغ المادى والنفسى لماذا ؟ لماذا ؟ لماذا ؟ كثيراً ودائماً وطويلاً وقد أفكر ليس لماذا ولكن أفكر فى الموقف وفقط فأنا منذ الصغر أحدث نفسى فى صمت دائماً ولا أدرى هل يشاركنى الجميع فى ذلك أم لا يفعلون فإننى بتجربتى أجدنى أوقن أشياء وأرى أشياء هى حقيقة ولكنى حين أعرضها على الأخرين أو معظمهم من المسمون بالأصدقاء وأجدهم عميان وأحياناً لا أصدق أنهم لا يرون فأصر على إقناعهم بأن ينظروا إليها ولو قليلاً فلتلتفتوا إليها ولكنى أصدم برفضهم للعقل لعقلهم وأغضب وأسب الغباء ولكنى الأن وبعد تجارب وإمعان فيها وفى مغزاها أيقنت بأنه ليس بشرط أن يرى الأخرون ما أراه وبأنى اكون غبياً حين أصر على إجبار عميان طرشان خنفان على النظر إلى حسناء مارة أمامهم وإقناعهم بأنها هناك وأن صورتها جميلة وقوامها يطير الألباب وبأن رائحة عطرها تسكر من لم يقرب خمراً فى حياته وبان صوت خطواتها موسيقى كالتى صاغها محمد عبد الوهاب حين صياغته خطوة حبيبى ونعم لقد أيقنت الأن بأن لحظة الميلاد ليست ميسرة لكل إنسان ولكننى يكفينى ويسعدنى أنى أمتلك لحظتى ميلاد ذاكرتى وعقلى وإمتيازى الشخصى عن غيرى أتيح لى لحظة إمتياز قبل أن أؤمن بأنه ينبغى لى أن أكون متميزاً عن باقى البشر جميعاً أمواتهم وأحيائهم ومن لم يأتى بعد وقد حزت لحظة ذات إمتياز شاركنى فى مثلها البعض والأن أبحث عن لحظة الإمتياز ولا بد أن أجدها أجدها بنفسى ولنفسى أجد حياتى لتكون لحظة ميلاد .

حسام شادى

12 – 7 – 2000

قياس

2007-05-23T19:29:00.000+03:00

ما دمت أعلم أن وقائع الحياة التى نشهدها
ليست هى الحق اليقين
فمن أين لى أن أحلام المنام
ليست سوى أحلام ؟

شاعر يابانى مجهول
حوالى القرن الثانى عشر للميلاد
من كتاب عرائس وشياطين
ل عباس العقاد

بلا حياة

2007-05-21T05:57:00.000+03:00

بلا عقل لعله وضع مريح إرتاح له الكثيرين
ولكنها راحة كراحة الموتى بلا حياه

Charlie Chaplin

2007-05-18T07:34:00.001+03:00

شابلن العظيم
غريب أنت لا أجد وصف لك إلا أنك الماده الخام لفنون كثيره
اليوم متعة بشعة بلا حدود هبط علينا من يوتيوب المبجل فيلم الطفل وإقترح صديق أن نصحبه بموسيقى ل موزارت متعة ما بعدها متعة مش عارف أقول غير يخرب بيتك يا شالى
شاركونى المتعه بفن شالى شابلن

علشان التدوين من يوتيوب إللى أعرفه البرنامج ده

Van Gogh

2007-05-14T00:29:00.000+03:00

Houses Seen from the Back

علبة سجائر فارغة

2007-05-13T21:47:00.000+03:00

ملل وفراغ أغبى من بعضهم البعض لحظات متعه فى قراءة عمل أدبى وإستماع لموسيقى جميله تعلوا وتهبط فتعلوا وتهبط معها ينقطع الصوت فى الكمبيوتر خاصتى فبه مشكلة غبيه الأن يجب أن أعيد تشغيل الجهاز لكى يعمل كارت الصوت سألت صديقى عشرات المرات حلها إيه المشكله دى يا عمونا قالى رستر زى ما بتعمل على طول والجهاز حاول معاه كذا مره لا يقبل أى كارت صوت اخر أحياناً بحس إنى عامل زى الكمبيوتر بتاعى بحتاج رستره

قلت لأخويا يجيب لنا حاجه ساقعه فالجو خانق شربت منها شعرت برغبه فى الذهاب للحمام الكولا سهلت المسائل اللعنه على الإمساك المستديم أغرب ما فيه أنه يسبب لى ألام بالظهر ذهبت ألام الظهر جلست أمام الكمبيوتر مرة أخرى فتحت الصفحه دى علشان أكتب حاجه كانت فى عقلى لكن نسيتها أمسكت علبة سجائرى فإكتشفت أنها فارغة ضغطت عليها بيدى وطويتها ووضعتها على المكتب المجاور لى قمت إلى الغرفه المجاوره درج المكتب القديم به علبتين سجائر كويس جلبت واحدة وفى طريق عودتى للكرسى أدرت المروحه لكى تقلب هواء الغرفه دائما وكعاتى كل مره أجرب كيف تعمل فذاكرتى لا تحتفظ بهذه الأشياء لماذا لا أدرى جلت إلى الكرسى الذى كسرت قائمته منذ مدة ولا أدرى لماذا لا أرميه وأتى بغيره أشعلت سيجاره وكتبت هذا الكلام.

لا تسألنى لماذا

لا تسألنى عن الهدف

لا تسألنى عن أى شئ

لا تسألنى من أنا فانا لا أدرى

لا تسألنى أى شئ

فلا يوجد شئ

شعور غبى

2007-05-04T18:58:00.000+03:00

شعور غبى ملازمنى بقاله حوالى
عشرين سنه يعنى من وأنا عندى سبع سنين

الشعور القاتل ده

هوا إنى على طول عندى شعور قوى إن مستواى العقلى أقل من كل إللى حواليا وكل إللى أعرفهم وكل زملائى وكل من أقابلهم

شعور غبىىىىىىىىىىىىىىىىىى

يوم أن إنتحر العصفور

2007-05-03T17:29:00.000+03:00

يوم أن إنتحر العصفور ليست قصة قصيره
وليست أى نوع من أنواع الأدب ولكن لهذا العصفور الذى تذكرت قصته لم أعرفه جيداً
ولكن كنت أراه فى غرفة صديقى أحمد عصفور وحيد فى قفص معدنى من الممكن أن أكون رأيته
مئات المرات لكن لا أذكر اليوم الذى تسائلنا فيه لماذا لا تأتى له بوليف يا أبو
حميد ورد أحمد بإبتسامته الاإنطباعيه ثم قال وبإبتسامة أخرى تحمل إنطباعاً إشمعنى
أنا مش عيب إن العصفور يبقى متجوز وأنا لاء.....

لكن بعد ذلك بعدة أيام جاء أحمد بالقفص
وفتح شباك الغرفه وفتح الباب للعصفور لكى يخرج لكى يتحرر لكن الغريب أن العصفور
إنزوى أكثر فى ركن بالقفص وبذلنا مجهود لكى نخرجه من القفص ولما خرج وبدأ فى
الطيران طار للداخل فنوجهه للشباك ولا فائدة فأعاده للقفص ثانياً وغرقنا نحن فى ضحك
وتنكيت وتعليقات من قبيل كيف يخرج هذا العصفور الملون إلى حياة الشارع وكيف سبتعامل
مع العصافير البلدى وإزاى هياكل معاهم بعد ما كان بياكل أكل مخصوص وحتى لو كان
طمعان إن صديقنا هيجبله مزه فى يوم من الأيام فأكيد كانت هتبقا من نفس نوعه لكن ده
هيعمل إيه مع المزز البلدى كده كده هيموت لما يخرج وهوا إختار البقاء.

ومرت أيام أو أسابيع لا أذكر وبالطبع لا
يشغلنا أمر العصفور ولكن جائنا صديقنا فى يوم وقال أنه وجد العصفور
ميتاً

مات إزاى يا عم

لقيته راسه داخه بين حديد القفص وجسمه
مدلل

ههههاااااااااااىىىىىىى

إنتحر يا معلم

إظاهر كده

ده إللى إفتكرته من حكاية العصفور وإحنا
قاعدين من كام يوم

لكن ليه بقا إنتحر العصفور ؟

محققناش فى القضيه يوميها لكن بما إن لنا
الحق فى فتح باب التحقيق فى أى وقت وبمزاجنا فلنا أن نتسائل

ممكن يكون إنتحر لأنه رفض
الحريه

ممكن يكون إنتحر من الوحده

ممكن

لكن مش عارف ليه جه فى بالى حاجه غريبه
ملهاش دعوه بحكاية العصفور خاااااااااااااالص

الفكره جت بمناسبة فرح الوريث جمال بيه
على رأى صاحب العزبه

العصفور ده إنتحر من الوحده لكن لو كان
صاحبنا جابله وليف وفى ليلة الدخله العصافيرى معرفش أكيد كان برضه
هينتحر

وبما إن الألسنه الطويله فى مصر وهيا
كتير بتقول من زمان إن الزبون ملهوش فى حكاية الجواز وإنه مبيعرفش

فهل من الممكن أن تخرج علينا وسائل
الإعلام بعد عدة أيام بخبر إنتحار غراب البين والسبب إنه معرفش

ملاحظة
الصوره ملطوشه من مدونة عزبة الحاج أبو جمال

التحالف الإشتراكى ويوم العمال

2007-05-02T22:43:00.000+03:00

برضه الفلس وظروف كده حرمتنى من حضور إحتفالية التحالف الإشتراكى واليسار المصرى بمناسبة عيد العمال

بس صديق حضر ودى تغطيته لليوم بعتهالى

فى احتفاليه نظمها اليسار المصرى بمناسبه عيد العمال

عبد الغفار شكر :يجب على القوى الاشتراكيه ان تتحالف فى الفتره القادمه .....خليل:انتظروا المارد العمالى

نظم التحالف الاشتراكى والذى يضم 7 تيارات يساريه وهم الاشتراكيون الثوريون ؛ التجمع ؛ الحزب الشيوعى المصرى ؛ اليسار الديموقراطى ؛الاشتراكيون المصريون ؛ الكرامه؛ الحزب الناصرى احتفاليه بحزب التجمع الثلاثاء الماضى بمناسبه عيد العمال

بدات الاحتفاليه بندوة سياسيه عن الاوضاع والتحركات العماليه التى وقعت فى الاونه الاخيره حضرها معظم قيادات ورموز اليسار المصرى اضافه الى بعض العمال من بعض المواقع التى تشهد احتجاجات عماليه

شدد عبد الغفار شكر القيادى بحزب التجمع على ضروره بناء تحالف قوى يضم كل التنظيمات اليساريه فى مصر حتى تستيطع ان تتفاعل وتتواصل مع الاحتجاجات العماليه الاخيره وحاله الحراك السياسى التى تشهدها مصر واستكمل كلامه عن المهام التى يجب ان يحملها هذا التحالف على عاتقه فى الفتره القادمه الا وهى وضع برنامج سياسى للطبقه العامله المصريه ومحاوله رفع الوعى عند العمال واستقطابهم للعمل السياسى

اما كمال خليل ممثل الاشتراكيون الثوريون فقال :اننا نعلن تضامنا مع دار الخدمات النقابيه واكد على ضروره توحيد الصف خلف كمال عباس وادان موقف النظام الاستبدادى من اغلاق دار الخدمات النقابيه كما اوضح عن غضبه الشديد من الكلام الذى كان يردد حول عدم وجود طبقه عامله مصريه وقال ان اكبر دليل على وجودها هى التحركات العماليه التى وقعت فى الاونه الاخيره حيث بدات من سبتمبر الماضى واستمرت حتى الان ووصف الطبقه العامله بانها مارد حينما تنهض تنهض مصر باسرها معها وانهى كلمته بمقولته الشهيره لن يحرر العمال الا العمال انفسهم وهم قادرون على صياغه انضج البرامج السياسيه
كما تحدث فى الندوة كمال ابوعيطه ود. كريمه الحفناوى والمناضله العماليه فاطمه رمضان عن بعض المشكلات الواقعه فى بعض المواقع العماليه

فيما قام اعضاء مركز الدراسات الاشتراكيه بتوزيع بيان يحمل عنوان ...لا لسياسات الخصخصه لا لاغلاق دار الخدمات ...عيد العمال ...عيد النضال العمالى اشاروا فيه الى ان التجسيد الحقيقى لعيد العمال يتمثل فى العمال الذين رفعوا رايه الاضراب وليس خطاب يمن به الديكتاتور مبارك على العمال كما ارسلوا فيه كل التحيه للمناضلين من العمال فى جميع المواقع العماليه التى تشهد احتجاجات
وانتهت الاحتفاليه بفقره فنيه قام فيها بعض الفنانين اليسارين بغناء بعض اغانى الشيخ امام وسيد درويش

عمال المنصوره أسبانيا ونضال من أجل البقاء أحياء

2007-04-30T23:22:00.000+03:00

كنت عايز أكتب حاجه عن الحركه العماليه المتصاعده فى المنصوره

لكن لقيت إتنين من أصدقائى قاموا بالواجب

كتب - محمد طاهر

صور - صلاح تميم

عمال المنصورة - أسبانيا

:يواصلون النضال ويدخلون فى اضراب مفتوح عن الطعام

فى ظل تصاعد الاحتجاجات العماليه فى الأونه الاخيره حيث وصلت ذروتها الاسبوع الماضى دخل اكثر من 370 عامل وعامله بمصنع المنصورة اسبانيا للملابس الجاهزة فى اضراب مفتوح عن الطعام حتى الموت ( حسب ما اعلنه العمال) بداوة يوم الخميس 19/ 4 واستمر حتى مثول المجله للطبع احتجاجا على تاخر صرف مستحقاتهم الماليه من شهر مارس الماضى خاصه بعدما قال السيد على الحصرى المستشار القانونى للبنك المصرفى المتحد ورئيس مجلس اداره الشركه اثناء لقائه بهم ( انا هنا بمثل البنك .... بتاجر فى فلوس .... مش فى ملابس ...... مفيش مرتبات واضربوا زى مانتوا عايزيين ..........وكلها ايام والمصنع يتقفل ) مما زاد من حده المشكله ودفع العمال الى الاضراب عن الطعام جدير بالذكر ان 8 عمال من المضربين عن الطعام اصيبوا بحالات اغماء تم على اثرها نقلهم الى مستشفى طلخا العام وتم احتجاز 4 منهم نظرا لحالتهم الصحيه الحرجه وهم رمضان ابو المعاطى 51 سنه وفوزيه رشاد 32 سنه وصابرين صبرى 40 سنه وايمان رزق 32 سنه ومن جانبه قال محسن الشاعر عضو باللجنه النقابيه فى الشركه اثناء حديثه معنا ان العمال قد بدءوا الاعتصام يوم 19 الماضى بدلا من 28 القادم بعدما كنا حددنا مسبقا هذا الموعد فى مذكره قمنا بارسالها لوزاره القوى العامله واتحاد عمال مصر الا ان اصرار الاداره على تجاهل مطالب العمال وقيام رئيس مجلس الاداره بتهديدهم ببيعها جعل العمال يدخلون فى اضراب عن الطعام واستكمل احمد على عضو باللجنه النقابيه الحديث قائلا : سيستمر العمال فى الاضراب رغم تهديدات رئيس الشركه بتصفيتها مما يهدد اكثر من 370 اسره بالتشريد هم عدد اسر العمال حتى يستطيع العمال ان ينالوا حقوقهم المغتصبه واضافت احدى العاملات وهى عايده عبد الحكم اننى اناشد السيده السيده سوزان مبارك سيده مصر الاولى بالتدخل لحل الازمه لاننا نقدر دورها هى والسيد الرئيس فى حمايه حقوق العمال قبل ان نشرد نحن واسرنا خاصه ان هذا العمل يمثل لنا مصدر دخلنا الوحيد

الصور

لا تعليق

الناس دى هتتشرد

الصوره غيمت وكأن دى عيون العمال من طول مدة الإضراب

دى عامله فقدت الوعى

يا عمال مصر إتحدوا يا عمال العالم إتحدوا

2007-04-30T22:44:00.000+03:00

فى عيد العمال
وفى فوره وثوره عماليه بدأت فى مصر وبتنضرب ودار الخدمات النقابيه إتقفلت
و و و و و و
الحل فى إيد العمال
أن يستمروا وأن يتحدوا وأن ينتصروا
يا عمال مصر إتحدوا
يا عمال العالم إتحدوا

مجرد كلام

2007-04-21T07:14:00.000+02:00

لماذا يخون الإنسان نفسه
منقسم على نفسه
قيل أن الإختلاف ضروره
لكنى أتسائل
من جعل السيد سيد
والعبد عبد
أسياد وعبيد
.
.
.
فلنتسائل
أيها الإنسان
حتى لو أن صوت الخيانة مدوى
فلماذا تفتح أذنيك له
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مبحبش عبد المنعم لكن بتضامن معاه مع الإنسان

2007-04-17T01:48:00.000+02:00

إلى متى سيظل الإنسان فى مصر بلا قيمه شخص مثل عبد المنعم يخطف وهناك الكثيرين غير عبد المنعم مسألة التضامن مع عبد المنعم رغم إختلاف إنتماءاتنا الفكريه بل رغم تعارضها هوا تضامن مع الإنسان والذى له الحق أن يعتنق أى فكر يشاءه وله أن يختلف معى.

عرفت عبد المنعم فى سجن مزرعة طره كنت من المجموعه التى إعتقلت يوم 11 -5 - 2006 أثناء تضامننا مع القضاة أو بالأخص مع القضاء وقد كنا مجموعات مختلفة الإتجهات وكان العدد الأكثر من جماعة الإخوان وكنت أنا تجمع وهناك مجموعة ناصريين وعمل ومستقلين وأوتوبيس. المهم مكثنا أول الحبسه حوالى الأسبوع لا يفتح لنا باب الزنزانه وكان لا بد أن أن يأتى لنا بإحتياجاتنا من الكانتين أحد فكان عبد المنعم هناك منذ عدة شهور كان قدم يعنى وكان هوا إللى مسموح له يخرج يروح الكانتين فكان بيجمع البونات من الناس ويجيب لهم حاجاتهم دا إللى كنت أعرفه عنه وإللى كنت أعرفه كمان إن نظرة عنيه غريبه ومعتد بنفسه جداً ومغرور جداً وغاوى رسمه على الخلق وكمان كان بيبص لنا بصه غريبه لأننا مش إخوان بصه غريبه كأننا كائنات جايه من المريخ يمكن ده لأنه كان قاعد بقاله فتره فى السجن ومبيشفش غير الإخوان حواليه. أول موقف معاه لما طلبت إنه يجيب ليا سجاير من الكانتين وكانت الفاجعه وكأنى طلبت إنه يجيب لى إزازة ريد ليبل ومعاها مزه أنام معاها حاجه غريبه رد فعله وبعدها كأنه تحاشى الكلام معايا أنا والناس إللى مش إخوان وكمان بتشرب سجاير. مبحبش عبد المنعم لكن بتضامن معاه مع حريته مع الإنسان وحريته وبس

حول حديث محمود أمين العالم للمصرى اليوم نفى

2007-04-06T05:48:00.001+02:00

العالم للأهالى:

المصرى اليوم سعت لسبق صحفى على حساب الحقيقة

كتب: أحمد سيد حسن

نفى المفكر الماركسى الكبير محمود أمين العالم وجود تنظيم سرى جديد للشيوعيين يقود حركة الإضرابات العمالية الأخيرة، كما نفى وجود رموز لحزبى التجمع والناصرى داخل هذا التنظيم الوهمى الجديد.وقال العالم فى تصريحات للأهالى ردا على ما نسبته إليه صحيفة المصرى اليوم فى عددها الصادر أمس والذى استكملته اليوم أن هذا الحديث قد جرى تحريفه وتوجيهه باعتباره بلاغا ضدى وضد الشيوعيين للبوليس والمباحث، وأن الصحفية التى أجرت الحوار لم تلتزم الأمانة، انساقت الصحفية وراء الإثارة الصحفية وتصورت أنها حققت خبطه صحفية مثيرة بأكثر من البحث عن الحقيقة، وقد طلبت من هذه الصحفية عدة مرات اطلاعى على الحديث قبل أن ينشر ولكنها لم تفعل ذلك.وأكد العالم من جهة أخرى أن الشيوعيين المصريين من حقهم أن يكون لهم حزب علنى وشرعى، خاصة أن الحركة الشيوعية فى مصر قديمة، وكان للشيوعيين المصريين حزب علنى مستقل سنة 1921 وتحالف مع حزب الوفد فى النضال ضد الاحتلال الإنجليزى، ورفض مطالب الاتحاد السوفيتى والأحزاب الشيوعية بانهاء هذا التحالف.وأضاف العالم أن الحزب الشيوعى اضطر إلى الدخول فى العمل السرى بسبب حظره منذ الثلاثينيات فى القرن الماضى، وأنه شخصيا وطوال حياته حتى بلغ 85 عاما كان جزءا من حركة فكرية وتنظيمية محظورة ومطاردة، وذلك ليس ذنب الشيوعيين وإنما الحكومات والأنظمة المتعاقبة من أيام الملكية وحتى الآن والتى تحظر النشاط الشيوعى العلنى وتطارد وتعتقل الشيوعيين، وأنه آن الأوان لوجود حزب شيوعى علنى يعمل وفقا للتعددية السياسية والحزبية، خاصة أن بلدان مثل الأردن والمغرب الملكيتان وسوريا وتونس والجزائر لديها أحزاب شيوعية علنية ولم يحدث أى انهيار.وحول ما نسبته المصرى اليوم من وجود تنظيم سرى جديد يضم الناصريين والتجمع ويحرض على الاضرابات العمالية ويستعد للمزيد قال العالم أولا لا يوجد هذا التنظيم الشيوعى الجديد وإنما حدث خلط أو سوء فهم حيث هناك جهود لإقامة التحالف الاشتراكى اليسارى والجهود الأخرى لبناء جبهة وطنية واسعة تضم القوى والأحزاب التقدمية، ومن الطبيعى أن يقف الشيوعيون واليساريون مع الإضرابات والاعتصامات العمالية، لأننا مع العمال دائما باعتبارهم مضطهدين ومظلومين، وهم لا ينتظرون إشارات أو تعليمات منا أو من آخرين للدفاع عن حقوقهم. وأضاف العالم الشعب هو الذى يتحرك ونحن نتحرك معه فى جميع القضايا، ولا توجد مؤامرة يتم إعدادها كما حاولت المصرى اليوم أن تصور، فقد خاطبت المباحث العامة وترسانة القوانين بأكثر مما خاطبت الحقيقة. وقال العالم أن حزب التجمع ليس حزبا شيوعيا وليس بديلا عن حزب شيوعى، فهو حزب وطنى ديمقراطى تقدمى يسارى يضم شيوعيين واتجاهات أخرى، كما أن الحزب الناصرى جزء من تحالف تقدمى يسارى واسع وبالطبع فهم ليسوا جزءا من أى حزب شيوعى وهذا يدل على فساد ما نشرته المصرى اليوم.وأكد العالم على حقه فى الدفاع عن هويته كمفكر شيوعى طوال حياته، وبعد أن بلغ من العمر 85 لا يعتذر عن ذلك، وأنه سيواصل النضال لآخر لحظة من أجل حق الشيوعيين فى إقامة حزبهم العلنى فى إطار من الحريات، حتى لا يجد أصحاب نظريات المؤامرة والبلاغات للمباحث ما يقدمونه إليها، فهناك جماعة محظورة تستغل الدين تعمل بحرية، وأحزاب وقوى تتصل بإسرائيل وأخرى تعد للتوريث، ويتم منع الشيوعيين من العمل المعلن وإذا عملوا وتواجدوا يتم اتهامهم بمختلف التهم ومحاولة تجريدهم من وطنيتهم.

أستاذنا محمود أمين العالم

2007-04-05T05:01:00.000+02:00

الحوار الذى أجرته المصرى اليوم مع أستاذنا محمود أمين العالم وتم نشره على حلقتين

http://www.almasry-alyoum.com/article.aspx?ArticleID=53426&r=t

2
http://www.almasry-alyoum.com/article.aspx?ArticleID=53522&r=t

........................

2007-03-27T00:25:00.000+02:00

............

...............................................

...............................................
...............................................
...............................................

...............................................
...............................................
...............................................
...............................................

...............................................
...............................................

...............................................

مصر والدستور والامعقول

2007-03-21T02:38:00.000+02:00

التعديلات أو التطبيخات الدستوريه إتمررت فى مجلس الشعب قصدى مجلس السيد الرئيس وميعاد الإستفتاء المزعوم إتقدم بقا يوم 26 – 3 يعنى خلاص وطظ فى الشعب ومش هنتكلم عن إن المفروض إن الدستور ده عباره عن عقد إجتماعى لأن كل ده كلام فاضى فى ظل الواقع الذى نعيشه فى مصرنا العزيزه على قلوبنا مصر التى هربت منا ونبحث عنها فهل نجدها لقد خبئها السيد الرئيس وعصابته الحاكمه خبئوها منا أين خبئوها وهل سنجدها نبحث عنها وكل من يبحث عنها يذهب إلى الجحيم أو التعذيب أو السجون فهل هذه الأمان هى التى توجد بها مصرنا لعلها الحقيقة فمصرنا محبوسه ومكممة الفم ومغمضة العين ويائسة من اى أمل فى النجاة مما هى فيه فى زمن التيه نبحث عنها ونبحث عن انفسنا بطالة بالملاين والعاملين تحت خط الفقر وعنوسه وجوع وأمراض تقتلنا وطعام فاسد إن وجد وماء قاتل إن وجد أيضاً وهواء فاسد ودولة أفسد تقتل أولادها بأيديها تتخلص منهم كنفايات تقتلهم لصالح مجموعة قليلة من الحكام والرأسماليين والسلطه والمال تصنع الرأسمالية فى بلادنا تصنع القتله وشعبنا مستسلم لذابحيه أمله أن ينهوا مهمتهم فى قتله سريعاً لكى يستريح من عذاب الحياة معهم فالحياه فى الحجيم أفضل بل هى الرفاهيه أيها المقتولون لماذا لا تموتون ميتة أفضل موتوا تحت هروات الأمن تحت عجلات المصفحات تحت جنازير دبابات الجيش أفضل لكم بدل أن تموتوا قهراً وصمتاً أسمعوا قاتليكم والعالم كله أنينكم وأنتم تموتوا دهساً تحت مجنزراتهم أسمعوا العالم صوت أنينكم وصوت الرصاص الذى يقتلكم أسمعوهم صوت ملايين الرصاصات التى لن يتراجع النظام عن إطلاقها فى قلوبكم أعلم أن كلماتى هذه ستذهب ادراج الرياح كما تذهب كلمات قالها الكثيرون والكثيرون ولكن فى بلد اللاقاعدة مصر قد يحدث الامتوقع من شعبنا فمتى يحدث لم اعد انتظره ولكن قد يأتى من يدرى نظام توحش أقصى درجات التوحش وشعب إستكان أقصى درجات الإستكانه ولكن من يدرى أشعر أنى أكتب اللاكلام أو أقول اللامعنى ولكن ليس أماى فى الأفق إلا اللاأمل ولكن فى ظل هذا اللاأمل فى ظرف اللامعنى قد يحدث شئ من يدرى

طظ فى الشبكه

2007-03-09T20:16:00.000+02:00

الإرتباط بإنسانه شئ جيد ومطلوب وطبيعى ولكن إذا كان الإرتباط بالشخص الخاطئ فهذه مشكله كان من الممكن أن تمتد لطول العمر تنغص عليك حياتك ولذلك فالخلاص من هذه الإنسانه مبكراً هو الحل الأفضل ويجب ان يكون سريعاً ومبكراً

إننى كنت اشعر بالقرف وفى فترة الخطوبة فما بالنا كيف كانت ستكون حالتى بعد الزواج فكان لابد أن أنسحب سريعاً وإنسحبت وتركت كل شئ الشبكه وغيرها لا أريد منهم شيئاً سوى أن أبتعد عنها وعنهم وقد قرر بعض أصدقائى أن يقيموا لى حفله لأنهم وجدونى فى غاية السعاده بعد أن إنسحبت فقد كانت حالتى سيئة وقت الخطوبة المشئومه ما أحلى أن تشعر بالسعاده لإستعادتك نفسك ولبعدك عن ما ينغص عليك حياتك

أربع سنين يا عبد الكريم

2007-02-22T19:32:00.000+02:00

عبد الكريم نبيل سليمان حكم عليه اليوم ب 4 سنوات وأنا بصراحه معنتش لاقى كلام اقوله أعمل إيه يعنى أشجب استنكر أولول على حرية التعبير الضائعة ألطم على الإنسان الضائع فى مصر أعمل إيه مش عارف لو أن هناك من يعرف فليعرفنى نعمل إيه
هقولك إيه يا عبد الكريم
هقولك يا إبنى ريح دماغك وإتعلملك وإنت فى مدة السجن دى عدة أشياء أولهم إنك تبتعد عن الفكر الذى يوصل لمثل هذه الأماكن
وتانى حاجه تشوفلك كام معلم سرقه على نصب على كام واحد من بتوع القروض وتعرف منهم السكه إللى توصلك لطريقهم بس إوعى تفتكر إنهم علشان فى السجن يبقوا خسروا زى حلاتك لا دول معكمين العكمه ومستنياهم بعد ما يخرجم والحياة هتبقى وردى وبنى والأشيه هتبقى معدن
ممكن كمان تعمل نصبايه حلوه بعد المدة أولها إنك تستغل مدة السجن فى إنك تطول دقنك على قد ما تقدر ولما تخرج تعلن إنك تبت وأنبت عن التفكير وإنك بقيت فى جانب التكفير وتأسس جماعه وبكده يا إبنى تكون بقيت من الكبار إللى الدوله نفسها بتخاف منهم ويجيلك فلوس من دول الخليج ويمكن كمان من السى أى إيه وتبقى نجم والدنيا كلها بتتكلم عنك والكل خايف منك ولك مؤيديين فى كل بلاد العالم العربى والإسلامى
وممكن كمان وتعمل نصبايه تانيه برضه سكتها إنك تستغل السجن فى تطويل دقنك وإنتا خارج تشكر السيد الرئيس المؤمن إنه هوا وحكومته كانوا السبب فى توبتك وتشكر كام شيخ إن كتابتهم كانت السبب فى توبتك وتبقى نجم تلفزيون والفلوس تجيلك زى الرز وتطلع فتاوى وتعيش
لكن يا عبد الكريم أنا عايزك تتوب تتوب عن التفكير بطل تفكير يا إبنى هيس هرتل لكن تفكر دى مصيبه
اللعنه عليك يا وطن
تقتلنا يوم بعد يوم
تقتل فينا العقل
وجنود الجهل لديك كثير
ونحن ضعاف وقليل حيلتنا

بتقول كتيييييييييييييير

2007-02-14T15:29:00.000+02:00

ليوناردو دافنشي

مخنوق أنا

2007-02-11T12:57:00.000+02:00

هناك شئ ما قابع على صدرى يخنقنى لست أدرى ما هو لا لا بل ادرى فهو كثير مواقف واشخاص أمور تقتل هماً ولا احد يدرى بى بل لعل الكل يدرى ولكن لكل مصلحته فيما انا فيه حتى إرتباطى بإنسانه قلت لعلها ستخفف عنى ما انا فيه فجائت لتزيد همى بل لتكون أقصى درجات همى مخنوق انا مقتول انا اموت على دفعات وهذا أقصى ما فى الأمر لست ادرى لما أكتب هذا الكلام ولمن أكتبه ولكنها صرخة ليس مهم أن يسمعها أحد وليس مهم ان تلفت نظر أحد ولا أظن أنى اريد ولا أظن أن ألامى تهم احد ولكنها صرخة اطلقها لعلها تكون تفريغ لبعض شحنات إنفعالى لعلى بصراخى اخفف عن نفسى وعقلى فأستطيع الكتابة فأنا لى مدة لا أستطيع الكتابة بسبب هذه الكأبة فلتخرجى يا صرختى مدوية بأعلى ما يمكنك حاولى أعلم أن حرية التألم ترف لا نتمتع به جميعاً ولكن فلنحاول بدل الموت غماً لقد بدأ قلبى يؤلمنى حقاً لا تشبيهاً فاخرجى يا صرختى لعلى حتى لا أدرك كنه الصرخه فحينما نكتأب لا نكون مؤهلين لمعرفة حلولنا أو حتى نوعية ألامنا وحتى علاجاتها ولكن أظن ان صرختى هذه المره من نوعية الرفض فلأصرخ عالياً
لااااااااااااااااااااااااا

عاش نضال الطبقة العاملة

2007-02-07T11:37:00.000+02:00

عاش نضال الطبقة العاملة
عاش كفاح الشعب المصرى

حكمة اليوم وكل يوم

2007-01-16T16:11:00.000+02:00

إشرب وعيش وإشخر للحياه وقولها أحتين وحته يا دنيا محصلتيش لباس بفته

هكذا تحدث الأخرون

2006-12-29T19:04:00.000+02:00

أنا لا بطل أساطير ولا باليد حيله علشان أطير ولا أمشى على الميه
لطفى بشناق

Sandro Botticelli

....................

2006-12-29T10:26:00.000+02:00

بيكاسو

أحلام غيرنا

2006-12-29T09:50:00.000+02:00

رفائيل

بدون عنوان

2006-12-27T07:54:00.000+02:00

لا تعليق والحدق هيفهم لوحده

كريم عامر ليس بداية وليس نهاية فمن القادم

2006-12-09T02:20:00.000+02:00

كريم عامر أو عبد الكريم نبيل سليمان شاب مصرى بيحاول يشغل مخه وهيه دى جريمته إنه بيفكر لماذا يقبض على كريم ولماذا يحبس إحتياطياً وسط مجموعة من الجنائيين حياتهم بؤس داخل حجز ليس بالإنسانى ولا حتى الحيوانى ولا حتى يستحقه هئولاء المجرمون إن كانوا مجرمون فعلاً لماذا كريم محبوس هل أصبحت النيابة نيابة دينية وهل ينعطف القضاء نفس المنعطف من أغرب الأمور أن يقول القاضى وهو ينظر أمر تجديد حبس كريم كلام ليس من المفروض أن يصدر من قاضى إن حبس كريم وما يتعرض له وما يصدر من القضاة الذين وقفنا معهم وحبسنا من اجل إستقلالهم يقول أمور فظيعة وهى أن الدولة المصرية كلها تتحول لدولة دينية هى وأجهزتها أليس ما يتعرض له كريم وتعرض له غيره الكثيرون أشبه بمحاكم التفتيش وأن الدولة وقضاتها تقوم بدور الكنيسة فى العصور الوسطى فى أوروبا وأن ما يتعرض له كريم هو نوع من القهر الفكرى إما أن يتوب عن افكاره أو أن يعاقب عليها أليس من حق كل إنسان أن يقول ما يقول وأن يفكر فيما يريد أن يفكر وأن ينتقد ما ومن يريد
إلى متى ستظل مجتمعاتنا تفكر بهذا الإسلوب أسلوب القهر الفكرى وأن الفكر جريمة تستوجب القتل كما قتل فرج فوده أو كما تعرض أحمد صبحى منصور وسيد القمنى للتهديد بالقتل أو كما طعن نجيب محفوظ إلى متى
قديماً وفى العهد الناصرى قتل شهدى عطية الشافعى فى السجون لأنه مفكر يسارى أو لأنه يخالف رأى النظام كان مقتول سياسى فى المقام الأول فهل يتحول عبد الكريم نبيل سليمان أو كريم عامر كما يسميى نفسه ونسميه كلنا إلى سجين فكرى ثم قتيل فكرى وعلى يد النظام ومن سيأتى بعد وكم سيأتى بعده
إن النظام هكذا يقوم بكل أدوار القهر القهر السياسى والقهر الفكرى فهل يقضى النظام على جماعات القهر الدينى والتكفير لكى يقوم هو بدورها هل كان النزاع معها نزاع على من يكفر ويقتل مفكرى المجتمع
أيها العاقلون أنتم محاصرون
أنتم مقتولون
فى كل الأحوال
بيد من ليس مهم
بيد إرهابى متأسلم
بيد نظام حكم مستبد
مقتولون مقتولون مقتولون

أنا عمرى ما كنت شاعر

2006-11-29T02:56:00.000+02:00

أنا عمرى ما كنت شاعر
لكن مليان مشاعر
وبقول من قلبى كلمه
يمكن تلهب مشاعر
يمكن تلهب جراحك
يمكن يزداد أنينك
يمكن تسعد قلوب
يمكن تمحى كروب
يمكن حبى يجاوب
يمكن تسعد لى قلبى
يمكن تبعدلى كربى
لكن بقولها دايماً
وبقول بفم فاغر
أنا عمرى ما كنت شاعر
حسام شادى
28\11\2006

مارس طفولتك
أه... براحتك ما تمارسها
بينك وبين نفسك أو لوحدك
أو بين كل البشر
عيشها بقصد وبمزاجك
إلحس طبائك و بصوابعك
أو لما تحبك إلحسها بلسانك
وإن حد لام وقال يا عيل
يبقى تعرف إنه أهبل
خايف يعيش
نفسه أأأه
لكن مفيش
حسام شادى
28\11\2006

نفسى أقولها من قلبى...... عيد سعيد

2006-10-23T04:20:00.000+02:00

بجد بجد نفسى أقولها من قلبى عيد سعيد

مش عارف كتبتها وقولتها لناس وأصدقاء العيد جى أهه عيد سعيد لكن فكرت فيها لقتنى بقولها وأنا مش مقتنع سعيد إزاى يعنى وكل حاجه تقرف فى مصر يعنى كفايه حالات الكوليرا إللى حصلت فى قريتين قريبتين جداً من قريتنا وناس ماتت وناس لسه هتموت مع إنها مش مستهله كوليرا-مش عارف كوليرا إيه فى القرن الواحد والعشرين- بس علشان تموت فى مصر مش مستهله كوليرا ولا وباء أكيد هتموت من الخنقه دخان وتراب مالى الهواء والميه زفت والأكل متنيل ولو ممتش مخنوق من الجو هتموت مخنوق من البلد وحالها وحالك إللى مايل مع حالها يعنى ملايين مش لاقين شغل وإللى شغال لا سمح الله يا بيعانى من قلة المرتب دا لو مستوظف عقبال أمالتك يا بيعانى من قلة الشغل وإنعدامه لو شغال حر لو مش عاجباك الخنقه دى علشان تموت هتتخنق من حاجات تانيه هتتخنق من الناس وأحوالها وإنتا وأنا منهم طبعاً كل واحد بيبص لنفسه بس وطظ فى الأخرين وكفايه عليك المثل الشعبى الأصيل المتعمق فى جزورنا بيقولك بكل بساطه -لو جالك الطوفان حط إبنك تحت رجليك -شفت الحلاوه كل واحد لواحده أهم حاجه هوا مفيش حتى حاجه بتجمعنا مش هنقول كلام خنفشارى عن مشروع وطنى أو قومى لكن هنقول بكل بساطه ملناش زى شعبى ملناش غنوه واحده بنحبها وبنغنيها كلنا ملناش لعبه شعبيه ملناش مشروب وطنى حتى البيوت كل بيت له شكل لواحده وبعدين فينا إيه حكايتنا على فين يا هوا مودينا حتى موضوع التغيير والقوى الوطنيه منحصر فى إطارنا زمرة الساسيين أو المشتغليين بالعمل السياسى أو كما ندعى بيسموه الشارع السياسى شارع إيه دا زقاق أو زى ما بنسميه فى الفلاحيين زقه شارع سد وسكانه قليلين ومع ذلك مش متسع لهم لكن المشكله الحقيقيه إن نادر لما حد بيروح القاق من براه الشعب إللى إحنا منه ميعرفش حاجه عن الحياه فى الزقاق ولو عرف دا لو عرف بيصهين بيطنش بيدى تلاهى -وأنا مالى يا بوى وأنا مالى- غنوه أصيله برضه أهل الزقاق إللى هما إحنا طالعين كلهم من الشبابيك وبيهتفوا ضد سكان ناطة سحاب عصابه كبيره ومتلمعه ساكنه فيها وبيرموا زبلاتهم على الناس أمراض وعبارات بتغرق بيهم وبيمصوا دمهم وإحنا بنزعق فيهم وعتريس كبير السكان عامل فيها كبير على الكل وناس بتهلله ولسه برضه ساكن فى العلالى ولا كأنه سامع أنين الناس وهيا بتموت والمصيبه إن سكان الزقاق بيتخانقوا مع بعض كتير وبينسوا عتريس وعصابته ويا عينى يا عينى يا عينى على الولد وصوت تسجيل شغال مصحوب بدخان أخضر رائحته كريهه وبيقول العنب العنب العنب

وعيد سعيد

إزاى معرفش

الحرية للزميل حسن عبد الله

2006-09-30T18:39:00.000+02:00

مقال لعم عطيه الصيرفى

2006-09-30T18:35:00.000+02:00

الشيوعية خبز وحرية، وإنصاف للمستضعفين في الأرض
طلب إحاطة إلى مسلمي العالم
ميت غمر العـامل / عطية الصيرفى
قصدت من تصديري عنوان هذه الورقة بكلمة الشيوعية دون كلماتها المترادفات لإحاطة المسلمين الأجراء والفقراء علماً بأن الاشتراكية صنو الشيوعية والمساواة الاجتماعية المطلقة صنو للشيوعية أيضاً والعدالة الاجتماعية صنو للشيوعية كذلك. ومن ثم الشيوعية خبز وحرية للمستضعفين في الأرض في مواجهة ظلم الإنسان للإنسان واستعباد الإنسان للإنسان واستغلال الإنسان للإنسان .
فالظلم الاجتماعي وتوابعه من استعباد واستغلال ونهب وقهر وإبادة للعمال والفلاحين وكل البشرية الكادحة كل هـذا مصدر ثروة الإقطاع ورأس المال والاستعمار باعتباره أعلى مراحل الرأسمالية وهـو مصدر أيضا ثروة العولمة الأمريكية الجديدة باعتبارها أعلى مراحل الاستعمار ونظراً لأن الظلم الاجتماعي وتوابعه هو فعل طبقي عدواني وتاريخي كان يمارسه سادة العبيد على العبيد والإقطاعيون ضد الفلاحين والرأسماليون والاستعماريون ضد العمال والفلاحين وكل الفقراء .
ومن ثم فلا بد أن يواجه الفعل العدواني برد فعل مقاوم من الطبقات المنتجة والمقهورة من خلال صراعها الطبقي وثوراتها الاجتماعية : فثورة العبيد ضد عبودية الدولة الرومانية بقيادة العبد (سبارتكوس ) كانت رد فعل على العبودية الرومانية والاشتراكية المسيحية كانت رد فعل على مظالم الدولة الرومانية أيضاً ومن هنا فقد أعلنت الحرب على الظلم الاجتماعي وتوابعه من خلال الممارسات الحياتية للمسيحيين الأوائل عملاً بقول المسيح عليه السلام: لا تكنزوا لكم كنوزا على الأرض.. ولا تقدروا أن تخدموا الله والمال.. وإذا أردت أن تكون كاملا فأذهب وبع أملاكك وأتبعني وكذلك الدين الإسلامي الحنيف كان ثورة على الظلم الاجتماعي وتوابعه حيث حرر البنات من الوأد أشاع المساواة بين البشر ودعي إلى مقاومة الظلم الاجتماعي.. ولولا دفع الله الناس بعضهم ببعض لفسدت الأرض.. سورة البقرة.
ونادي بالعدل الاجتماعي والملكية العامة للناس جميعا.. وأن ليس للإنسان إلا ما سعى. سورة النجم. والأرض وضعها للأنام.. سورة الرحمن.. والناس شركاء في ثلاث الماء والنار والكلأ .. حديث شريف ... ومن ثم فقد تجلت الاشتراكية الإسلامية عملياً في الظاهرة العمرية الأولى والثانية وفى حياة الإمام على ومواقف الصحابي الجليل أبى زر الغفاري رائد الاشتراكية الإسلامية. وللأسف فإن هذه المقاومة المجيدة قد اختفت من مواجهة طبقة رأس المال وحكوماتها الأوروبية والأمريكية.. وبالتالي فلم تظهر الشيوعية عبثاً بل ظهرت باعتبارها امتداد طبيعي للمقاومة التاريخية المضادة للظلم الاجتماعي. وظهرت أيضاً كضرورة اجتماعية وكونية لحاجة الطبقة العاملة إليها باعتبارها طبقة منتجة وطبقة ثورية بغريزتها وصراعها الطبقي العفوي والتلقائي .
إن هذا الصراع الطبقي الذي يعرف بأنه محرك التاريخ قد قامت الشيوعية كنظرية طبقية على أساس ممارساته في مجالات العمل والإنتاج حيث عرفت أسبابه وغاياته الاجتماعية بالإضافة إلى معرفة طبيعة الطبقة العاملة ومزاجها الاجتماعي وأعرافها الأخوية وأخلاقها التضامنية .
وأول من نادى بالشيوعية العمالية هو عامل الطباعة الفرنسي بابيف الذي قتل في أعقاب الثورة الفرنسية سنة 1791م بسبب نشاطه العمالي والشيوعي ولكن أنصاره واصلوا نضاله العمالي والشيوعي بتأسيس جماعات عمالية وثورية كان من أعضائها الرفيقين (ماركس وانجلز) ومما يذكر أن هذه الجماعات العمالية قد أججت الصراع الطبقي ضد الرأسمالية الأوروبية فانتشرت الثورات العمالية التي كان من أخطرها ثورات العام المجنون عام 1848 الذي صدر خلاله البيان الشيوعي الذي أصدره الرفيقان ماركس وانجلز. هـذا البيان الذي كان بمثابة إشهار ميلاد الطبقة العاملة الحديثة باعتبارها طبقة منتجة هي الأكثر عددا والأشد فقراً وباعتبارها طبقة ثورية تستطيع وحدهـا مواجهة الرأسمالية وحكوماتها وجها لوجه دون غيرها من الطبقات وباعتبارها طبقة مفكرة تعرف خصمها وقصدها وهذا ما دفعها إلى التحزب في أحزاب شيوعية واشتراكية وما دفعها أيضا إلى الوحدة في نقابات عمالية ذات شعار عمالي يقول: يا عمال العالم اتحدوا . هذا الشعار الذي أدى إلى قيام حركة عمالية واشتراكية ونقابية أوروبية أمريكية واحدة تناضل تحت علم واحد وفى سبيل مطلب عمالي واحد هو تحديد يوم العمل العادي بثمان ساعات تحديدا مشروعا وقتئذ .
ولم تقف الحركة العمالية الاشتراكية عند هذا الحد الاقتصادي بل بادرت بتحقيق قصدها العام من خلال الحصول على السلطة العمالية بثورة حكومة عمال باريس سنة1971 التي استمرت عدة شهور ثم تعرضت للوأد بواسطة الجيوش البوروسية الغازية لفرنسا بقيادة المستشار بسمارك عميد الرأسمالية البوروسية ( الألمانية).
هكذا اغتالت الرأسمالية الأوروبية المسعورة أول حكومة عمالية اشتراكية مما أثبت للحركة العمالية في عمومها أن ثورتها ضد الرأسمالية ثورة مستمرة نظرا لان الاستغلال الرأسمالي للعمال لا يتوقف والصراع الطبقي للعمال لا يتوقف أيضا مع العلم أن استغلال رأس المال كانت تؤيده السلطة والشرطة وتباركه كنيسة روما وتسانده الرأسمالية اليهودية. هذه الرأسمالية العنصرية التي استنفذت العمال والاشتراكيين جميعا.. ولهذا كتب كارل ماركس يقول في فضحها وتشخيصها.. أن اليهودية فصيل رأسمالي خطير.. وأن المال هو اله إسرائيل الطماع.. ويعتقد اليهود أنه لا ينبغي معه لأي اله آخر أن يعيش.. إن التجارة بالمال هو الإله الحقيقي لليهود هذا هو المال باعتباره الإله الطماع لليهود والرأسماليين جميعا هذا الإله الذي لم يكتف باستغلال العمال في ملكوته في أوروبا وأمريكا بل دفعه طمعه إلى توسيع ملكوته في آسيا وأفريقيا من خلال أسواقه الرأسمالية في المستعمرات الجديدة التي تعرضت شعوبها للاستعباد والنهب والقهر والإبادة وهكذا انتشر الاستعمار في قارات العالم باعتباره أعلى مراحل الرأسمالية وبالمقابل فقد بادرت الحركة العمالية والشيوعية بتوسيع نضالها بين شعوب هذه المستعمرات بتأسيس الأحزاب الشيوعية والنقابات العمالية وكانت بلاد الشرق الإسلامي هي أهم مسرح للنضال العمالي والشيوعي ضد الاستعمار. ولهذا يقول
الزعيم الشيوعي التترى سلطان علييف.. أن الشعوب الإسلامية هي أمم عمالية وفى المؤتمر الثالث للمنظمات الشيوعية الإسلامية أقر المؤتمرون بأنهم اكتسبوا اليقين في أن الثورة في الشرق الإسلامي هي أمر أساسي بالنسبة لمستقبل الثورة العالمية.. ويقول الشيوعي القومي المسلم حنفي مظفر. إن مشكلة المسلمين هي مشكلة وجود أمتنا وجميع العالم الإسلامي وإن عدو هذه الأمم هو الاستعمار الذي تناضل الشيوعية ضدها وعلى هذا فان التحالف مع الشيوعية أمر يفرض نفسه .
وبناء على هذا التحالف الثوري تحالف العمال والفلاحين والفقراء في الشرق الإسلامي استطاع الحلف الاشتراكي الروسي بقيادة الرفيق لينين تحقيق الثورة الاشتراكية العظمى في روسيا القيصرية سنة 1917 م. هذه الثورة المجيدة التي أثمرت الدولة الاشتراكية دولة الإتحاد السوفيتي التي لم تسقط ولكنها اغتيلت فى عام 1991 لصالح أمريكا والعولمة الاستعمارية رغم انجازاتها التالية:
o دولة اشتراكية أسست مجتمع خال من الاستغلال والفقر والجهل والمرض والبطالة .
o دولة أصبحت دولة عظمى في الصناعة والزراعة وفى المجال النووي وعلوم الفضاء .
o دولة هزمت جيوش ألمانيا النازية وفتحت عاصمتها برلين .
o دولة فتحت جامعاتها ومستشفياتها للبشرية الكادحة بالمجان .
o دولة ساندت ثورات الصين وفيتنام وكوبا وكوريا والجزائر ومصر .
هذه بعض أسباب اغتيال الدولة السوفيتية الاشتراكية لصالح أمريكا .
*أمريكا رأس المال والاستعمار والعولمة.. أمريكا.. التي قتلت وأبادت عشرات الملايين من الهنود الحمر والزنوج الأفارقة والتي قتلت عشرات الألوف من اليابانيين بالقنابل الذرية.. أمريكا التي مازالت تمارس القتل والإبادة ضد الشعوب الإسلامية والعربية في أفغانستان والعراق وفلسطين ولبنان.. أمريكا التي هانت الإسلام الحنيف وقرآنه الكريم ورسوله المعصوم.. وأهدرت قدسية المسجد الأقصى ودفعت إسرائيل إلى قتل الفلسطينيين بالجملة والى تخويف الحكام العرب.. أمريكا التي نهبت ثروات الشعوب وأفقرتها كما حدث في مصر المحروثة التي باتت مستعمرة أمريكية .
وأخيراً هذه هي الشيعوية. الاشتراكية. العدل الاجتماعي.. وهذه هي أمريكا الرأسمالية والاستعمار والعولمة.. فأيهما عدو مبين للمسلمين الأجراء والفقراء والكادحين.؟ أفيدونا أفادكم الله
ميت غمر في5/9/2006
العامل عطية الصيرفي

مش حالو ومش حالو

2006-09-30T16:21:00.000+02:00

كان نفسى قبل ما يجى شهر رمضان أو مع بدايته أكتب عنه حاجه عن ذكرايتنا وإحنا عيال عن إنطباعاتنا لم كبرنا شويه وبدأنا نصوم لغاية الضهر كان فى عقلى وقلبى كلام كتير لكن تغير كل ذلك طار جن وز زا ون لما كنت بضور على صورة على النت لفانوس علشان أضيفه مع مقاله رمضان بقا وحلوا يا حلوا كل ده راح لما وقعت عينى على الصوره دى من ضمن مجموعة صور لم أجد منها أى صورة لفانوس غريبه والأغرب أنى لما رأيت هذه الصوره لم أتمالك نفسى ولم أستطع أن أمسك لسانى عن سب الدين للنظام وحسنى ميارك وكل لصوص ورأسماليى هذا البد التعس فيه مواطنوه رغم إن الصوره الأطفال إللى فيها شكلهم نضاف قوى بالنسبه لأطفال مصر لكن المعنى أننا لدينا فى مصر أم الدنيا الواطيه أطفال بيزاكرو على أضواء اللمضه الجاز ومش المشكله إنهم يزاكروا عليها لكن دى حياتهم كلها وحياة أسرهم عليها ودا غير الحفر إللى هما عايشين فيها دا لو لقوا الحفر أساساً دا غير إنهم بيموتوا من الجوع فى اليوم ألف مره ومن المرض مليون مره وللى مش عارف أحب أعرفه إن مصر فيها ملايين الأسر مبتلاقيش الأكل ولا حتى فى الزباله اللعنه اللعنه

وإحنا بقى شوية الأفنديه بتوع اليسار وإللى بنمارس نضال المدونات مش غاويين غير الكلام ومفيش فى إدينا غيره لكن برضه مش نافع الكلام ومش نافع غير الكلام برضه لأنى رغم إن الشعب المسكين دا صعبان عليا لكن برضه المشكله إنه مش صعبان على نفسه طب والحل الحل إن شعبنا الكسول الجبان عايز ناس تنتحر علشان خاطره وبعد ما يجيبوا حقهم أو ميجبهوش يشتموهم ويقولوا عملولنا إيه يعنى

البيضه ولا ..............

حاجه تانيه غير الفرخه

لماذا لم يتحرك الشعب المصرى حتى الأن

2006-09-13T03:42:00.000+03:00

تدور الحوارات دائماً بينى وبين الأصدقاء عن شعبنا المصرى ولماذا لا يتحرك لتغير النظام والمطالبة بحقوقه والمطالبة على الأقل بطعامه وطعام أولاده لماذا لا يتحرك ولا حتى يشتكى لماذا هذا الصمت الرهيب والغريب والذى يتندر به بعض الظرفاء ويقولون على سبيل التهكم على صمتهم وصمت الشعب كله بأن الشعب المصرى يغيظ العصابة الحاكمة ويقول لها ولحسنى مبارك لا لن نثور عليكم إظلمونا وجوعونا وإحسبونا وإقتلونا ولن نثور عليكم سوف نقتلكم غيظاً بصمتنا وإحتمالنا لحياة لا يتحملها بشر غاية السخرية أمر فى غاية المرارة فنحن المصريون نحيا حياة أو فلنقل نموت موتاً اللعنه نحيا حياة لا ترقى حتى لحياة الشعوب فى القرن التاسع عشر وأظن أنها هيا نفس الحياة يحياها الشعب المصرى الصامت أو الميت منذ وجد على أرض مصر لا أظن أنه طرء على حياتنا أى نوع من أنواع التغير غير بعض القشور الذائفة والتى تكلف المصرين شقاهم وتعبهم فنحن لو بحثنا عن وصف لحياتنا فلن نجد إلا أننا كالمراحيض المكسوة قشرة رقيقة من الذهب وحتى ليس كل الشعب هكذا فهناك من لا يجد طعامه . اللعنه نعود إلى حديثنا متى يتحرك شعبنا متى نتحرك ومتى من قبل تحركنا ؟ سؤال أحاول البحث له عن إجابةفهل تحركنا من قبل هل غيرنا حاكم ومتى وكيف لعلنى قرأت عن ثورة شعبية فى عصور المصريين القدماء أو عصر الأسرات الفرعونية وحتى هذه لو ثبت أنها قد حدثت وأشك فقد قيل أن الكهنة قد إستولوا على السلطة وكونوا أسرات جديدة متى تحركنا وطالبنا بحقوقنا هل فى عصور المماليك لا أظن فقد كانت الخناقة أو العاركة بين المماليك وبعضهم البعض متى هل تعتبرون ما يدعى بثورة القاهرة الأولى والثانية فى أثناء الحملة الفرنسية على مصر تحرك ولو أنه تحرك فقد كان ضد مستعمر وهذا أمر طبيعى متى تحركنا ثورة 1919 إنها تتشابه مع ثابقاتها متى ثورة 23 يوليو 1952 لقد كانت حركة من ضباط الجيش ولا أظن أن الشعب ساهم فيها ولو حتى بصمته فقد كان لا يسمع عنهم فقد نام الناس وإستيقظوا على الراديو يذيع عليهم بيان الثورة وأظنهم لم يفهموا ولكنهم فرحوا وربطوا الثورة بشخصية جمال عبد الناصر وفقط وكأنه لم يكن له زملاء ولا كان هناك عساكر الجيش البسطاء الذين لولاهم لما إستطاع الضباط فعل شئ وإستبدل الشعب ملك بزعيم تمحور حول شخصية فرد واحد وفقط وهذه مصيبتنا وبالنسبة لمسألة التغيير فلى رأى ومصر عليه وأكرره وهو أن من يصنع التغيير يملكه وأتمنى أن يصنع التغيير بيد الشعب لكى يملكه الشعب فمتى يا شعبنا الحبيب الكسول أو الجبان أو الميت إستيقظ من موتك ننادى عليك لقد كان من يقول فى فترات سابقة عنك أنك كمارد نائم ولكنه سوف يستيقظ ليأكل سارقيه ولكن إتضح أن المارد لا يريد أن يستيقظ أو أنه يرد ظلماً أكثر وألماً أكثر وجوعاً أكثر لكى يقرصه الجوع ويوجعه الألم فمراكز إحساسه ضعيفة لا أدرى ماذا أقول أأقول فلنظلم أكثر وأكثر لكى نستيقظ أم أنه يجب أن نمسك النار بأيدينا لكى نزداد ألماً فى إطار محاولاتنا لتحرير أنفسنا اللعنة ثم اللعنة على وعلى كل من لا يطالب بحقه فى بلده أيها الشعوب الميته لا تستأهلين حريتك لأنك لا تطالبين بها ولا سلام

الأخر

2006-08-23T03:58:00.000+03:00

لا ولن أدخل فى نقاشات أيديولوجيه ولا فكريه ولكن سوف ينصب حديثى على أمر واحد وفقط ألا وهو قبول الأخر أو حتى رفضه وكيف نتعامل معهلا أعترف بأن هناك دوجما أو مطلق فى الأفكار وأكررها كثيراً بأنى لا أملك الحقيقة المطلقةولكن أعترف بأن لكل إنسان أو مجموعة من الناس حرية إعتناق فكره أى فكره وأظن أن من حقك ومن حقى أن نؤمن بأفكارنا ولو كانت مختلفه أو متناقضه فهذا حق لك قبل أن يكون حق لىوأعترف بأننى مختلف مع بعض التيارات الفكرية إختلافاً يصل لحد الرفض ولكن حينما يتطلب الأمر الدفاع عن حريته فى التعبير والوجود فأعتقد أننى سوف أطالب بحرية الأخر فى الدفاع عن حريته ووجوده ولكن الأصل أن نختلف وقد نهاجم بعضنا البعض وقد وقد ولكن إختلاف الأيديولوجيه لا يجعل بيننا عداوة أو أن ترمينى أو أرميك بالباطل إلا إذا بدأ الطرف الأخر فحينها يكون حقى أن أرد أو أدافع أو أن أرميه بكلام يشابه ما يرمينى ويرمى فكرتى به وأظن أن لا أحد يسلم من العيوب والمواقف السيئة وحينها نصل كلانا لمرحلة تتعدى الإختلاف فى الرأى وحينها تفسد كل القضايا وأولهم قضية الود.ولكن رغم كلامى هذا المتسامح والرومانسى والحالم أقولها حقيقة أن إختلاف الأيديولوجيات يفسد العلاقات وهذا امر طبيعى وبدهى حتى أن مشجعى كرة القدم والمختلفون فى الفرق التى ينتمون لها تشجيعاً يختلفون أحياناً إلى حد البغض والقطيعة فما باللنا بيسار ويمين وصراع طبقى .وفى إطار الممارسة السياسية أظن أن موضوع الأحلاف والتى ادعوها عشوائية والتى تتشكل فى إطار محاولة التغيير كما يحدث فى بلدنا مصر فإننى أرانى غير مقتنع بجلوس أحزاب مختلفة أيديولوجياً معاً على طاولة والإتفاق على تنظيم اعمال مشتركة فإن مثل هذا التنسيق بينهم أرى أنه يهدم الفعل فعل التغيير ولى رأى قد يكون متطرف أو غريب وهو أن إغراقنا فى أيديولوجياتنا هو الذى سوف ينتج التغيير فمن غير المعقول أن أجلس أنا وأنا عضو فى حزب يسارى وأتفق مع حزب أقرب إلى الرأسمالية من العصابة الحاكمة فى مصر ونتفق على تغيير النظام بتعاوننا وهنا يطرح سؤال وماذا بعد ماذا لو غيرنا النظام سوياً وقد تناسينا أحزابنا نفسها ما الذى سيحدث هل سنتفق على صيغة جديدة لكلانا أم نبدأ من أول الطريق كل منا يحاول تذكر أيديولوجيته وطرحها على جموع الشعب لو أن أحداً يرى الحل فى معضلة كهذه وبدون ان يقول لى كما يقال أن نغير النظام ويحدث ما يحدث بعد ذلك وشكراً.

فى حبك يا مصر 1

2006-07-15T00:37:00.000+03:00

فى حبك يا بلدى نقول كلنا مواويل لكن الكلام ممل ومعدش له لازمه ولو كان بيغير كنا غيرنا من زمان
مش عارف أبدأ منين لكن هبدأ من يوم ما بدأ الجدعان ولاد البلد يخرجوا لما عم حمدى قناوى إتقبض عليه هو ومحمد عبد اللطيف حسيت إنى مليش لازمه الناس بتخرج وتقول كلمتها وأنا متأخر ليه كان عندى حجه لكن رميت كل الحجج من الشباك وقررت إنى اشارك يوميها قررنا أنا ومحمود إننا نروح نشارك فى مظاهرات 11 - 5 خرجنا من المنصوره الفجر ولما وصلنا القاهره لقيناها محتله ومش عارفين ندخل لانقابة المحامين ولا الصحفيين ومش عارفين نقابل أى حد من كفاية المنصوره وفضلنا نحاول ولفينا البلد كلها مفيش فايده حصار وواقعين تحت حالة إحتلال المهم لقينا شارع صغير فرعى هو الوحيد إللى مفتوح دخلناه وإحنا مستغربين إشمعنى ده هو إللى مفتوح لكن الأمر المضحك ودا كان متوقع إنه مقفول من الناحيه التانيه المهم فى أخر الشارع ده قهوه صغيره قعدنا عليها ربما نعرف نخترق الحصار وخصوصاً إنه كان فيه موظفين شركه واضح إنها شركه كبيره وعدد موظفينها كتير كلهم بيحاولوا يدخلوا لشغلهم الأمر المرير إن الموظفين دول يجى ميت موظف يعنى ممكن يعملوا مظاهره لوحدهم مش هامهم إلا إنهم عايزين يدخلوا الشركه ومفيش فى دماغهم لا مظاهرات ولا قضاه ولا مصر ولا أى حاجه كأن إللى بيحصل ده كله بيحصل فى بلد الجيران مش بلدهم وأكيد منهم إللى مضايق إن العالم إللى بتعمل مظاهرات كانت السبب فى إنهم مش عارفين يدخلوا الشغل وبعضهم كان فرحان لأن أكيد اليوم ده هيتحسب أجازه شر البليه ما يضحك لكن الأمر أصبح مريراً لدرجة لا تحتمل أى ضحك
المهم ولأن كثيرون حاولوا ولفوا وداروا وجائوا إلى نفس الشارع الصغير وإحنا قاعدين على القهوه جاء عدة أشخاص من كفاية المنصوره وفضلنا قاعدين سوا نشرب شاى وقهوه وسجاير منتظرين الفرج أو أن يأتى أشخاص أخرين يجى أى عدد ممكن ساعتها نعمل حاجه فكرنا إننا بقينا عشره إننا نقوم ونعمل أى دوشه فيجوا يشوفوا إيه ده فنتحرك ونخترق الحصار لكن كنا 10 بس المهم قمنا وتحركنا لغاية ما وصلنا للشارع إللى فيه دار القضاء لكن من نهايته يعنى دار القضاء العالى بعيد قوى لكن برضه لقينا ناس كتير كانت واقفه قلنا نستنى لما العدد يزيد وممكن ساعتها نعمل مظاهره كانت واقفه الأستاذه محسنه توفيق فوقفنا بجوارها وبعد شويه لقينا واحد واقف على الطرف التانى من الطريق وبيخطب فى الجماهير -يا شعب مصر لقد إستلمتم اليوم رايتكم فقفوا إلى جانب قضاتكم- المهم دا عم ناجى سعيد إتعرفنا فى عربية الترحيلات لأننا إتقبض علينا سوا المهم لما كان عم ناجى بيتكلم الناس إتلمت فقلنا نبدأ فجرينا على الناحيه التانيه ووقفنا وراه وبدأت المظاهره وكان فيه واحد إسمه أحمد من الكرامه إتعرفنا برضه فى المعسكر بعد القبض علينا بيوزع ورق فرفعنا الورق وإشتغلت الهتافات وكانت الدكتوره هبه درباله جنبنا لكن بعد شويه سمعنا صويت كان فيه أحد الكلاب بيضرب صحفيه وضربوا برضه مراسه أجنبيه هيه وسته أجانب معاها وكسروا الكاميرات ساعتها حصل هرج ومرج ولخبطه وبدأنا نتحرك لكن مره واحده وإحنا ماشيين لقيت محمود بيتخطف من جنبى منظر بشع يجى عشره ماسكينه ونازلين ضرب وشتيمه طبعاً المنظر خلانى إتلجمت وإتثبت لقيت نفسى بتمسك برضه حوالى ثمانية لابسين مدنى شقطونى لقيتنى ماشى ورجليا فوق الأرض وبرضه فين يوجعك وسمعت واحد بيجعر ويقول شوفولى مدخل عماره وخدونا على مدخل عماره ورمونا جبن الحيطه وقعدونا على الأرض وأخدوا البطايق ولقيتهم جايبين محمود بجسمه النحيل وبيرموه جنبنا المهم بعد شويه جابوا عيال شكلها غريب شكلهم كده امن مركزى ومبلسينهم مدنى العيال شايلين فى إديهم عصيان سوده صغيره شكلها جلد وحاجه غريبه بصيت للعيال دول لقيت عيونهم قاعده تروح يمين وشمال علينا كلنا وما تخيلته وأظنه حقيقه أن كل واحد منهم كان يتخير فريسته من بيننا ويركز أين سيضرب ضرباً موجعاً المهم محصلش ضرب مش عارف ليه لكن أخدونا على عربية الترحيلات وفى العربيه....
أكمل بعدين أصلى تعبت من الكتابه

أدعوكم لمقاطعة الصحف

2006-07-08T00:41:00.000+03:00

قررت الجمعية العمومية لنقابة الصحفيين إحتجاب الصحف يوم الأحد القادم 9- 7 2006 فلهذا أوجه هذه الدعوه لمقاطعة الصحف التى ستصدر فى هذا اليوم وأسجل تضامننا فى حزب التجمع مع قرار نقابة الصحفيين وأسجل إحتجاب جريدة الأهالى الأسبوعية يوم الأربعاء الموافق 12-7-2006
فيا شرفاء مصر إستجيبوا لهذه المقاطعة
وشكراً

جديد فى طريق البحث عن الوطن والإنسان كنت أحسبنى أنهيت 1

2006-07-07T23:35:00.000+03:00

أنهيت أخر مقالى السابق بكلمة خلاص وقد كنت كتبت سلسلة المقالات هذه أو اليوميات فى مدونة أخرى وفى عدة منتديات ومنذ عدة شور تربو على الستة شهور وكنت توقفت ولكن طرأت أمور جديدة وإكتسبت خبرات جديدة غيرت من بعض أفكارى فى إطار التعامل مع الواقع ومع الأخر كله وبالذات المختلفين معى فكرياً وأيديولوجياً أضيفها هنا وأضيفها كيوميات أو مقالات قد تتشايه مع سابقتها فى الإسلوب وقد تختلف ولكن سأحاول أن أواصل
حتى نكمل

فى طريق البحث عن الوطن والإنسان 4

2006-07-07T23:12:00.000+03:00

بعدما إستعرضت تاريخ الأحزاب السياسية فى مصر ومن قبلها ناقشت موضوع الطبقة المتوسطة ومشاكلها والتى أنبتت جيل وهو جيلنا نشأنا خائفين أو مخوفين من ممارسة الحياة السياسية بل خائفاً من المطالبة بأبسط حقوقه وهو الحق فى حياة كريمة.نعود لليوميات لما كنت أنا واحد من هذا الجيل بطبيعة الحال نعم أنا واحد من هذا الجيل ولكننى ولدت غاضباً لا أدرى لماذا ولكننى بعد الغضب وفى مرحلة ما بعد الثانوية العامة أصبت بداء غريب غريب للغاي همرض يوجهنى لطريق لست أدرى كيف يبداْ ولا كيف تكون نهايته الداء هو حب مصر الشديد إلى جانب أمر أصعب وهو الحيره والحيرة سببها أنى أريد أن أفعل شيئاً ولكن كيف ومع من؟ وأنا هنا لا أتكلم عن نفسى ولكننى أتكلم عن تجربة الكثيريين وأنا منهم المهم بعد أن مضت فترة من الحيرة ولأن الأحزاب والأفكار السياسية محظور عليها العمل داخل الجامعه لم أجد أمامى إلا جماعة سياسية معروفه للجميع وبعد أن تعرفت على أعضائها وبعد أن إعتبرونى منضم لصفوفهم قررت أن أقرأ فكرهم وبعد أن قرأت عشرات الكتب لهم لم أقتنع بإبتعدت عنهم وساعتها إعتبرونى من الأعداء ولكن الحقيقة والتى لم يأخذوا بالهم منها أننى بعد أن عرفتهم لم أكرههم كأشخاص ولكننى أختلف معهم فكرياً وسياسيا ًوأنا هنا لا ولن أناقش فكرهم ولكننى أعرض تجربه المهم بالطبع بدأت رحلة بحث جديدة
نكمل رحلة الحيرة مع من بعد التجربة السابقة قلت لنفسى لا بد أن تعرف أكثر وأكثر وخرجت منها بأن المعرفة ثم المعرفة فلا عمل مع الجهل نعم كنت أقرأ ولكننى إكتشفت أننى يجب أن أنوع قرائاتى بمعنى أصح أن أحاول أن أعرف كل شئ.بالطبع لن أستطيع أن أعرف كل شئ ولكننى أحاول وأرجو أن أستمر بدأت أقرأ فى الفلسفة والعلوم المختلفة علم النفس علم الإجتماع الإقتصاد السياسى الأدب قديمه وحديثه شرقيه وغربيه كنت ولا زلت أعتبر نفسى إنسان عالمى بمعنى أن المعرفة ليست لها وطن(إطلبوا العلم ولو فى الصين)العلم هو الحل ولكن المشكلة أنك من الممكن أن تغرق فى العلم والمعرفة وأكوام الورق وتنسى هدفك الأساسى.لاحظت أننى بدأت أبتعد عن الناس والأصدقاء وتعلمت من تجارب البعض ممن وقعوا فى هذا الخطأ إبتعدوا عن الناس وأحياناً يأخذك غرور المعرفة فتقلل من شأن المجتمع ولكنه أكبر وأفظع خطأ. بدأت أمراً قد تعتبروه مضحكاً وغريباً فى تلك المرحلة بدأت أضع لنفسى نظام لتربية نفسى من أول وجديد أحاول أن أكون أكثر أخلاقية وأن أكون أكثر مرونة وأن وأن وأن كل ذلك بالتدريب أدرب نفسى بنفسى ووحدى أمر قد يكون غريباً بل قد يكون مضحكاً نعود لموضوع الإبتعاد عن المجتمع وهذا الإبتعاد يكون غلطة الإنسان وليست غلطة المجتمع وبدأت أمرن نفسى على أن أكون أكثر إجتماعية ولله الحمد إستطعت أن أكونها بأن أحب وأقبل جميع الناس حتى المختلفين معى فكريا ًلم أمثل هذا الحب بل كان حقيقيا ًفانا شخصياً أرى أن المجتمع حين يرفض شخصاً فالعيب ليس فى المجتمع وإنما العيب لدى هذا الشخص مهما كانت مكانته وأظن أنه هو الذى يبدأ بهذا الرفض فيرتد الأمر عليه رفضاً من الجميع وأعرف الكثيرين من هذا النوع والمشكلة أنهم يتهمون المجتمع بالجهل والتخلف لأن المجتمع يرفضه ولكنه هو من بدأ برفضه أولاً المهم بعد إستدراكى لنفسى وإستردادى مجتمعى بأخلاقى الجديدة التى دربت نفسى عليها أصبحت من أكثر الأشخاص إجتماعية وإحتراماً من الكثيرين وأكرر أننى أحترم الجميع وبناء عليه يحترمك من تحترمه أنهيت الكلية وبدأت مرحلة جديدة من مراحل الحياة العمل
من حسن حظى وسوئه فى نفس الوقت أننى عملت بالمحاماة وأكثر ما يحزننى أننى أحببت مهنتى بل عشقتها مهنة حرة تتوافق مع عشقى للحرية ما أروعها كلمة محامى حر بالطبع تكتشف أن بعض أهل المهنة بلا أخلاق يستغلون علمهم بالقانون لأغراض أخرى والكل يعرف ذلك فبدأت مع مجموعة من الشباب تكوين مجموعة عمل أو أسرة داخل النقابة للعمل الإجتماعى داخل النقابة وذلك لمحاولة الإرتفاع بمستوى المهنه وأن تستعيد أخلاقها ورونقها وعظمته اوكانت هذه بالفعل بداية الإحتكاك والمران على العمل الجماعى وأحسن ما فيه أنه تم من بدايته التكوين المستقل والعمل المستقل بلا توجيه من أحد ولا تيار بعينه نفكر لأنفسنا وننفذ بأنفسنا بمعنى أصح مستقلون وكانت بداية لمشاكل أخرى وإحتكاكات من التيارات الفكرية والسياسية داخل النقابة
تأتى فئة معينة فتعرض علينا التمويل مقابل رفع شعارها فنرفض فتبدأ الحرب الإعلامية أو بمعنى أوضح الدعاية المضاضة ينطلقون يقولون أننا تابعين للحزب الحاكم وأنه يمولنا ومن عجائب الأمور أن يأتى الحزب الحاكم أو بعض من يمثله من داخل النقابة ليعرض علينا مراكز مرموقة داخل الحزب وأيضاً التمويل فنرفض أيضاً فالنقابة لكل المحامين وعملنا موجه للجميع مع إختلاف إتجاهاتهم طالما أنهم محامين
ومن العجيب أن هذا الإتحاد النقابى البسيط يحتل مجلس إدارته ومكتبه التنفيذى عدة أشخاص كل منهم له أيديولوجية خاصة فمثلاً أنا يسارى ولدينا زميل ليبرالى ولكن إتفقنا على أن العمل عمل إجتماعى لا دخل للأيديولوجيات فيه
أظن يا جماعه الموضوع خلص إيه إللى بعد كده إللى بعد كده إنى إخترت طريق طريق خاص بيا بناء على قناعاتى ودى أهم حاجه وده إللى كنت عايز أقوله أن كل واحد يختار طريقه بنفسه وأن الإختلاف أمر عادى جداً ولكن يجب أن نختلف فكرياً وسياسياً وأن نتفق إنسانياً خلاص

فى طريق البحث عن الوطن والإنسان 3

2006-07-07T23:09:00.000+03:00

لعلنى بالرجوع لبعض المصادر التاريخية أستطيع أن أقولأن التجربة الحزبية فى مصر قديمة جداًتخيلوا أنها بدئت سنة 1879أحمد عرابى وتأسيس حزبه الحزب الوطنى (طبعاً كان وطنى فعلاً)مصطفى كامل على نفس الإسم تقريباً مع إضافة كلمة جديد 1895حزب الأمة 1907 ويقولون أنه البداية الحقيقية للأحزاب فى مصروأعتقد أن أخصب فترات الحياة السياسية فى مصر من وجهة نظرى هى الفترة منذ تأسيس دستور سنة 1923 حتى قيام ثورة يوليو 1952ومع إحترامى الشديد لثورة يوليو وإحترامى لمن قاموا بهاوإحترامى للمنجزات التى قدموها لمصر وشعبهامن إجلاء الإحتلال الإنجليزى نهائياًوتوزيع الثروة (توزيع الأراضى على الفلاح البسيط)وأن الأرض لمن يزرعهاوالتصنيع والقطاع العام (الله يرحمه دلوقتى)و و و و و و و ووبجد لهم من المنجزات ما لا ينكره إلا جاحدولكننى أعيب عليهم فى أمر واحد ومهم للغايةوهى مسألة الديموقراطيةلا ديموقراطيةأمر لازال أثره موجود حتى الأنأمر جعل نظم تحكم بلا شعبوبالتالى ما بنوه هدمه أخرون من خلال ثغرة عدم وجود ديموقراطية وأنهم أى الحكام يملكون البلد بشعوبها قرار فى 17-1-1954 بحل جميع الأحزاب السياسيةوالمفروض أن يكون ذلك لمدة إنتقالية وهى كما قيل حينها 3 سنوات فى 1974 أجبر السادات على إنشاء المنابر يمين وسط يسار1976 النشأة الفعلية للأحزاب السياسية1977 قانون الأحزاب الذى قتل الأحزاب بعد أن نشأت بأقل من سنه وموضوع الأحزاب يردد أنه منه ومنحة من السادات ولكن الحقيقة أنه أجبر عليه بعد تنامى دور الأيديولوجيات المختلفة داخل الإتحاد الإشتراكىولكنه بعد أن أسست الأحزاب السياسيةأتبعها بقانون لها الأصل فيه المنع من نشوء الأحزابوالأصل فيه قتل نشاط الأحزابولكن بعضها إستمروسيستمرنشأت الأحزاب ثلاثةمنبر الوسط أو حزب مصر وكان حزب السادات أى حزب الحكومة والأن هو الحزب الوطنى أو العصابة الحاكمة منبر اليمين أو الأحرار والأن هناك نزاع بين 7 أشخاص على رئاسته ويعتبر مجمدمنبر اليسار أو حزب التجمع الوطنى التقدمى الوحدوى وهو أكثر الأحزاب إستمراراً وقوة( مبقولش كده علشان حزب التجمع هوه حزبى أنا شخصياً)أنا هنا محايد وبقية الأحزاب وهى نيف وعشرين معظمها نشأ باحكام محكمة والمعظم أيضاً فى مشاكل أو نزاعات على الرئاسة والبعض منها معرض للتجميد

فى طريق البحث عن الوطن والإنسان 2

2006-07-07T22:54:00.000+03:00

ولدنا جميعاً فى داخل أسر مرت بالمراحل السابقة أهالينا منهم من قتل مادياً أو نفسياً فى النكسة ومنهم من حاول إستعادة كرامته فى حرب 1973 والكل إنهار نفسياً بعد إتفاقية الإستسلام 1979 نشأنا فى ظل أسر كل ما يهمها أو يدعون أن كل ما يهمهم تربية أولادهم وملناش دعوة بحاجه ولا بحدأذكر أننى لم أكن أرى إلا ما يدعى الجرائد القومية والتى هى فى الوقع ناطقة بإسم النظام يقرأها الشعب لكى يعرف التوجيهات الجديدة ولا يخالفها خوفاً من العقاب. أذكر أننى أسبوعياً كنت أرى جريدة الوفد الأسبوعية فى منزلنا وكانت غريبة على عقلى كطفل كيف تسب الحكومة والتى هى تمدح فى الجرائد الأخرى. ورغم أن حزب الوفد له نفس المنهج الليبرالى وإقتصاد السوق الحر كالحزب الوطنى الحاكم عنوةإلا أن الحياة السياسية فى مصر مشوهة وأساليب المعارضة غريبة وذلك بالطبع لأن الكل يقمع فكانت الأولوية فى تلك المرحلة ولا زالت هى موضوع الحرية السياسية ( وعلى فكرة موضوع القمع وإتجاه الأحزاب إلى أولوية كالديموقراطية هو ما حدا بالشعب الكسول لأن يوصم الأحزاب السياسية بأنها ديكور مكمل للنظام وأنا شخصياً أقر هنا بأن كل الأحزاب السياسية فى مصر أحزاب وطنية همها مصلحة الوطن والمواطن ونصيحتى أن نتعرف على الشئ قبل الحكم عليه غيابياً)وسوف أتابع فى التكملة القادمة موضوع عودة الأحزاب السياسية إلى الحياة فى مصر سنة 1976وسوف أسبقها بتأريخ بسيط لهذه الحياة الحزبية فى مصر فى مرحلة ما قبل 1952

فى طريق البحث عن الوطن والإنسان 1

2006-07-07T22:44:00.000+03:00

مقدمه

دى مقدمه ممكن تكون طويله شويه بس إستحملوامتستغربوش البدايات دائماً تكون بسيطه وممكن كمان تكون عبيطه معظمنا إتولد فى أسر متوسطه ومشكلة الطبقة المتوسطه إنها متعلقه بين بين(مع إثبات الملاحظة أن هذه الطبقة قاربت على الإختفاء) طبقة ممكن نقول إنها إتكونت بعد ثورة يوليو 1952أبناء الفلاح المصرى إللى إتعلموا فى ظل مجانية التعليم وفى الغالب الأب يحوز أرض صغرت أم كبرت ولكنه يمارس الزراعه وإللى مكانش عانده أرض خد أرض من الحكومه فى الفترة دىالمهم نرجع للناس إللى إتعلموا فى ظل مجانية التعليم والتعليم هيأ لهم أنهم نالوا شئ من الإختلاف عن مجتمع الأباء فتحولوا للوظيفة وتناسوا أمر الأرض والزراعه وكونوا طبقة غريبة يعملون بالوظيفة ويحاولون العيش بإسلوب حياة الموظف ولكنهم يفكرون بنفس أسلوب الفلاح المصرى كونوا إزدواجية نفسية وإجتماعية غريبة ومن هنا بدأت المشكلة الأكبر وهى كيف سيكون جيل أبناء هذه الطبقة لو إستمر الحال إقتصادياً كما كان فى ظل نشوء جيل الأباء لكان الأمر لا يشكل المصيبة الحالية ولكن مع نشوء أسلوب وإتجاه جديد وهو الحرية الإقتصادية المطلقة وإقتصاد السوق المفتوح والرأسمالية فى فترة السعينات وإستمراره حتى الأن ولكن يصورة فجه وقاتله للشعب وأيضاً لا ننسى قبل ذلك نكسة 1967 وأثرها النفسى المستمر حتى الأن على المجتمع المصرى وأيضاً إتفاقية السلام أو الإستسلام وما خلفته من ثقافة جديدة ومصائب أكبر ومع رفض الشعب كله للتطبيع مع إسرائيل وإصرار الحكومات على التطبيع ذاد العبئ النفسى على المجتمع المصرى حتى أنهم يطلقون على جيلنا جيل السلام أو الإستسلام تخيلوا جيل نشأ فى ظل كل هذا فكيف سيكون؟

مجرد بداية

2006-06-25T14:07:00.000+03:00

هنواصل